Jaña koronavirus – covid-19 virusı bayqalğan elderdiñ sanı 60-tan asıp ketti. Älem boyınşa atalğan virusqa şaldıqqandar sanı 90 mıñ bolıp, onıñ 80 mıñnan astamı Qıtayda tirkelgen jäne qaza bolğandardıñ sanı 3 mıñ adamnan astı.

Qıtayda bastap taralğan virus qazir älemniñ 64 eline taradı. Osı twsta BWW-dağı Qıtay ökili Qıtaydağı jağday birşama twraqtanıp qalğanın ayttı. Degenmen, Düniejüzilik densaulıq saqtau wyımı Italiyada virustıñ taraluı qauipti deñgeyde twrğanın ayttı. Resmi mälimetterge qarağanda, Italiyada virustan köz jwmğandar sanı 52-ge jetken.

Qauipti virus körşiles Reseydi de kezip jür. Keşe ğana Italiyadan Mäskeuge wşıp barğan 13 adam emhanağa jatqızıldı. Olarmen saparlas bolğan reseylik azamattar da karantinge jatqızıldı. Bwl küdiktilerdiñ qatarında jurnalister de bar ekeni aytıladı.

Biraq, Reseyde virus qaupinen köri elde tarap jatqan feyk mälimetter ükimettiñ basın köbirek qatıruda. Reseyde ortalıq qala Mäskeude virustıñ massalıq küyde tarap jatqanı jäne onı ükimettiñ jasırıp otırğanı turalı aqparat keñinen tarap ketken. El biligi bwl aqparattıñ jalğan ekenin birneşe ret resmi mälimdeme arqılı ayttı.

Group-IB mälimetine qarağanda bwnday feyk mälimetter otbasılıq çattar men mektep oquşılarınıñ ata-analarınıñ äleumettik jeli toptarı arqılı tarağan.

Bwnday aqparattar tek qana Resey de ğana emes, Belarus', Ukraina, Qırğızstan jäne Qazaqstanda da bar. Qauipti virus turalı alıp qaşpa äñgime elimizde de belgili deñgeyde äleumettik jelilerdi kezip jür. Solay da, bwnday tötenşe jağdayda ükimettiñ barınşa aşıq bolıp, halıqtıñ dwrıs mälimetterge qoljetimdiligin qadağalauı asa mañızdı.

“The Qazaq Times”