Bwl künderi YUNISEF 1991 jılı negizin qalağan Halıqaralıq balalar teledidarı men radio habarların taratu künine arnalğan «Halıqaralıq jurnalistika aptalığı» jetekşi otandıq universitet - äl-Farabi atındağı QazWU-da ötude.

Bükil älemde 1 naurızdan bastap telearnalar balalar kontenti boyınşa habar taratu torın qayta qwruda, kişkentay körermender men jastarğa arnayı bağdarlamalar arnauda. Sonday-aq qoğam nazarın balalar men jastardıñ qwqıqtarına bölu, jasöspirim auditoriyanıñ bilim men qwzırettilikti arttıruına, qoğamdıq qwndılıqtar men basımdıqtarğa qızmet etudi üyrenuine BAQ-tıñ qalay kömektesetinine audaru ädetke aynalğan. Halıqaralıq balalar teledidarı jäne radio habarların taratu küninde käsibi qızmetin bwqaralıq aqparat qwraldarımen baylanıstırğan jastarğa da qwttıqtau aytıladı.

«Halıqaralıq apta» ayasında  şeteldik jäne otandıq BAQ-tıñ tanımal jurnalisteri, diktorları men fototilşileri QazWU-dıñ studenttik auditoriyalarına baradı, immersivti jurnalistika, BAQ-qa arnap material dayındaudıñ halıqaralıq standarttarı, cifrlıq media boyınşa  şeberlik sınıptarı, «Üzdik halıqaralıq reportaj» konkursı jäne «Biz älemdi osılay köremiz» studentter körmesi ötkiziledi.

Qonaqtardı bilim beru men qazaqstandıq jurnalistikanıñ käsibi jetilui salasındağı halıqaralıq bastamalarğa, jaña tehnologiyalarğa mwrındıq bolıp jürgen YUNESKO, halıqaralıq jurnalistika jäne qoğamdıq media kafedrası qabıldaydı. Kafedra köptegen halıqaralıq wyımdarmen, jurnalisterge jäne media-pedagogtarğa arnalğan treningtik  ortalıqtarmen belsendi baylanıs jasap, käsibi bilim beru sapasın jaqsartu, genderlik teñdik, aqparattıq qauipsizdik salasındağı YUNESKO men BWW-nıñ birqatar jobaların tabıspen jüzege asıruda.

Prezident Qasım-Jomart Kemelwlı Toqaevtıñ ğılımi zertteulerdiñ därejesin jäne olardı is jüzinde qoldanu deñgeyin arttıru turalı  Qazaqstan halqına 2019 jılğı 2 qırküyektegi Joldauın iske asıru ayasında YUNESKO, halıqaralıq jurnalistika jäne qoğamdıq media  kafedrası şeteldik ğalımdarmen birlese otırıp, media bilim beru, jaña media, media sauattılıq, twraqtı damu maqsattarı jäne basqa taqırıptar boyınşa halıqaralıq ğılımi jobalar jürgizude.

2019 jılı «Halıqaralıq jurnalistika» mamandığı boyınşa alğaş ret bakalavriat aşıldı, Türkiyanıñ jetekşi joğarı oqu ornımen qos diplom turalı kelissözder ayaqtaluda.

2020 jılğı 31 qañtarda YUNESKO jäne ISESKO isteri boyınşa Nwr-Swltandağı QR Wlttıq komissiyasınıñ mäjilisinde Mädeniet jäne sport ministri, Wlttıq Komissiyanıñ Törayımı Aqtotı Rayımqwlova äl-Farabi atındağı QazWU jurnalistika fakul'tetiniñ YUNESKO  kafedrasınıñ qızmetin joğarı bağaladı. Ministr «YUNESKO-nıñ kommunikaciya jäne aqparat salasındağı jwmısında qarulı qaqtığıs aymaqtarında jurnalisterdi qorğauğa, «jalğan jañalıqtarğa» qarsı twruğa, BAQ-tı qarqındı damıtuğa,  käsibi bilim sapasın arttıruğa jäne osı saladağı etikalıq minez-qwlıqqa qatıstı wsınıstar äzirleuge erekşe köñil bölinetinin atap ötti. Aqparattıq qoğamnıñ damuına jäne gumanitarlıq saladağı aqparattıq qauipsizdikti qamtamasız etuge qatıstı tüytkilderdi şeşuge degen halıqaralıq közqarastı qalıptastırudağı Wyımnıñ jetekşi rölin eskere otırıp, «Aqparat barşağa» jäne «Kommunikaciyanı damıtu» siyaqtı ükimetaralıq bağdarlamalarğa qatısudı odan äri arttıruımız mañızdı.

"The Qazaq Times"