بۇل كۇندەرى يۋنيسەف 1991 جىلى نەگىزىن قالاعان حالىقارالىق بالالار تەلەديدارى مەن راديو حابارلارىن تاراتۋ كۇنىنە ارنالعان «حالىقارالىق جۋرناليستيكا اپتالىعى» جەتەكشى وتاندىق ۋنيۆەرسيتەت - ءال-فارابي اتىنداعى قازۇۋ-دا وتۋدە.
بۇكىل الەمدە 1 ناۋرىزدان باستاپ تەلەارنالار بالالار كونتەنتى بويىنشا حابار تاراتۋ تورىن قايتا قۇرۋدا، كىشكەنتاي كورەرمەندەر مەن جاستارعا ارنايى باعدارلامالار ارناۋدا. سونداي-اق قوعام نازارىن بالالار مەن جاستاردىڭ قۇقىقتارىنا ءبولۋ، ءجاسوسپىرىم اۋديتوريانىڭ ءبىلىم مەن قۇزىرەتتىلىكتى ارتتىرۋىنا، قوعامدىق قۇندىلىقتار مەن باسىمدىقتارعا قىزمەت ەتۋدى ۇيرەنۋىنە باق-تىڭ قالاي كومەكتەسەتىنىنە اۋدارۋ ادەتكە اينالعان. حالىقارالىق بالالار تەلەديدارى جانە راديو حابارلارىن تاراتۋ كۇنىندە كاسىبي قىزمەتىن بۇقارالىق اقپارات قۇرالدارىمەن بايلانىستىرعان جاستارعا دا قۇتتىقتاۋ ايتىلادى.
«حالىقارالىق اپتا» اياسىندا شەتەلدىك جانە وتاندىق باق-تىڭ تانىمال جۋرناليستەرى، ديكتورلارى مەن فوتوتىلشىلەرى قازۇۋ-دىڭ ستۋدەنتتىك اۋديتوريالارىنا بارادى، يممەرسيۆتى جۋرناليستيكا، باق-قا ارناپ ماتەريال دايىنداۋدىڭ حالىقارالىق ستاندارتتارى، تسيفرلىق مەديا بويىنشا شەبەرلىك سىنىپتارى، «ۇزدىك حالىقارالىق رەپورتاج» كونكۋرسى جانە «ءبىز الەمدى وسىلاي كورەمىز» ستۋدەنتتەر كورمەسى وتكىزىلەدى.
قوناقتاردى ءبىلىم بەرۋ مەن قازاقستاندىق جۋرناليستيكانىڭ كاسىبي جەتىلۋى سالاسىنداعى حالىقارالىق باستامالارعا، جاڭا تەحنولوگيالارعا مۇرىندىق بولىپ جۇرگەن يۋنەسكو، حالىقارالىق جۋرناليستيكا جانە قوعامدىق مەديا كافەدراسى قابىلدايدى. كافەدرا كوپتەگەن حالىقارالىق ۇيىمدارمەن، جۋرناليستەرگە جانە مەديا-پەداگوگتارعا ارنالعان ترەنينگتىك ورتالىقتارمەن بەلسەندى بايلانىس جاساپ، كاسىبي ءبىلىم بەرۋ ساپاسىن جاقسارتۋ، گەندەرلىك تەڭدىك، اقپاراتتىق قاۋىپسىزدىك سالاسىنداعى يۋنەسكو مەن بۇۇ-نىڭ بىرقاتار جوبالارىن تابىسپەن جۇزەگە اسىرۋدا.
پرەزيدەنت قاسىم-جومارت كەمەلۇلى توقاەۆتىڭ عىلىمي زەرتتەۋلەردىڭ دارەجەسىن جانە ولاردى ءىس جۇزىندە قولدانۋ دەڭگەيىن ارتتىرۋ تۋرالى قازاقستان حالقىنا 2019 جىلعى 2 قىركۇيەكتەگى جولداۋىن ىسكە اسىرۋ اياسىندا يۋنەسكو، حالىقارالىق جۋرناليستيكا جانە قوعامدىق مەديا كافەدراسى شەتەلدىك عالىمدارمەن بىرلەسە وتىرىپ، مەديا ءبىلىم بەرۋ، جاڭا مەديا، مەديا ساۋاتتىلىق، تۇراقتى دامۋ ماقساتتارى جانە باسقا تاقىرىپتار بويىنشا حالىقارالىق عىلىمي جوبالار جۇرگىزۋدە.
2019 جىلى «حالىقارالىق جۋرناليستيكا» ماماندىعى بويىنشا العاش رەت باكالاۆريات اشىلدى، تۇركيانىڭ جەتەكشى جوعارى وقۋ ورنىمەن قوس ديپلوم تۋرالى كەلىسسوزدەر اياقتالۋدا.
2020 جىلعى 31 قاڭتاردا يۋنەسكو جانە يسەسكو ىستەرى بويىنشا نۇر-سۇلتانداعى قر ۇلتتىق كوميسسياسىنىڭ ماجىلىسىندە مادەنيەت جانە سپورت ءمينيسترى، ۇلتتىق كوميسسيانىڭ ءتورايىمى اقتوتى رايىمقۇلوۆا ءال-فارابي اتىنداعى قازۇۋ جۋرناليستيكا فاكۋلتەتىنىڭ يۋنەسكو كافەدراسىنىڭ قىزمەتىن جوعارى باعالادى. مينيستر «يۋنەسكو-نىڭ كوممۋنيكاتسيا جانە اقپارات سالاسىنداعى جۇمىسىندا قارۋلى قاقتىعىس ايماقتارىندا جۋرناليستەردى قورعاۋعا، «جالعان جاڭالىقتارعا» قارسى تۇرۋعا، باق-تى قارقىندى دامىتۋعا، كاسىبي ءبىلىم ساپاسىن ارتتىرۋعا جانە وسى سالاداعى ەتيكالىق مىنەز-قۇلىققا قاتىستى ۇسىنىستار ازىرلەۋگە ەرەكشە كوڭىل بولىنەتىنىن اتاپ ءوتتى. اقپاراتتىق قوعامنىڭ دامۋىنا جانە گۋمانيتارلىق سالاداعى اقپاراتتىق قاۋىپسىزدىكتى قامتاماسىز ەتۋگە قاتىستى تۇيتكىلدەردى شەشۋگە دەگەن حالىقارالىق كوزقاراستى قالىپتاستىرۋداعى ۇيىمنىڭ جەتەكشى ءرولىن ەسكەرە وتىرىپ، «اقپارات بارشاعا» جانە «كوممۋنيكاتسيانى دامىتۋ» سياقتى ۇكىمەتارالىق باعدارلامالارعا قاتىسۋدى ودان ءارى ارتتىرۋىمىز ماڭىزدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟