پرەزيدەنت پەن باس پروكۋراتۋرا وكىلى العىس ايتۋ كۇنگى ميتينگ تۋرالى

قازاقستان باس پروكۋرورىنىڭ ورىنباسارى بولات دەمباەۆ ادەتتەگىدەي دۋلات اعادىلدىڭ جۇمباق ولىمىنەن كەيىن تءۇءرلى وپپوزيتسيالىق ۇيىمداردىڭ 1 ناۋرىزعا شاقىرعان ميتينگىلەرىن «زاڭسىز» دەپ اتاپ، جۇرتتى نارازىلىققا شىقپاۋىن ەسكەرتتى.

دەمباەۆتىڭ 28 اقپاندا ورگان سايتىندا جاريالانعان مالىمدەمەسىندە «الەۋمەتتىك جەلىلەردە زاڭسىز اكتسياعا شىعۋ تۋرالى ۇندەۋ جانە الەۋمەتتىك، ۇلتتىق ارازدىقتى قوزدىرۋ بەلگىسى بار اقپاراتتار» تاراپ جاتقانى ايتىلعان. ۆەدومتسۆو وكىلى «زاڭسىز كوپشىلىك ءىس-شارالاردى ۇيىمداستىرۋ-قاتىسۋ اكىمشىلىك كودەكستىڭ 488-بابى، قايسىبىر تاراپقا قاندايدا ءبىر ەلەۋلى زيان كەلتىرىلگەن جاعدايدا قىلمىستىق كودەكستىڭ 400-بابى بويىنشا جاۋاپتىلىق كوزدەلگەنىن» ەسكە سالادى.

دەمباەۆ «الەۋمەتتىك جانە ۇلتتىق ارازدىقتى قوزدىرۋ، كورىنەۋ جالعان اقپارات تاراتۋعا جاريا تۇردە شاقىرۋ زاڭمەن تىيىم سالىنعان جانە مۇنداي ارەكەتتەر قىلمىستىق تارتىپتە قۋدالاناتىنىنا نازار اۋدارامىز» دەپ ەسكەرتكەن.

كوكتەمنىڭ العاشقى كۇنىمەن تۇسپا-تۇس كەلەتىن العىس ايتۋ كۇنى قازاقستانداعى ۇكىمەتتىك ەمەس بارلىق ساياسي ۇيىمدار مەن ازاماتتىق قوزعالىستار بەيبىت شەرۋگە شىعاتىنىن جانە قولدايتىنىن جاريالاعان. Oyan, Qazaqstan جانە Respublika, ەكسترەميستىك ۇيىم رەتىندە تانىلعان قدت مەن دەمپارتيا، الماتى بەلسەندىلەرى، حالىق قۇرىلتايى، كوشە پارتياسى...  جەكسەنبى كۇنى ساعات 12:00-دە ورتالىق الاڭدار مەن اكىمدىك الدىنا دۋلات اعادىلدىڭ ولىمىنە ايىپتىلاردى جاۋاپقا تارتۋ، نازارباەۆتار وتباسىنىڭ وتستاۆكاعا جىبەرۋ، تۇپكىلىكتى رەفورما، ساياسي تۇتقىنداردى بوساتىپ، ازاماتتىق كوزقاراسى ءۇشىن قۋعىنداۋدى توقتاتۋ، الەۋمەتتىك احۋالدى وڭالتۋ تالاپتارى بويىنشا بەيبىت شەرۋگە شىعاتىنىن مالىمدەدى.   

كەشە «حالىق ۇنىنە قۇلاق اساتىن مەملەكەت قۇرۋدى» كوزدەيتىن پرەزيدەنت توقاەۆ Twitter-دەگى رەسمي پاراعىندا ەسكەرتۋ سيپاتىنداعى بەيبىت جيىنداردى قولدايتىنىن ايتىپ «بەيبىت جيىندار ارنايى بەلگىلەنگەن جەرلەردە ءوتۋى ءتيىس، كونستيتۋتسياعا قايشى كەلەتىن ۇراندارعا جول بەرىلمەيدى» دەپ جازدى.

"The Qazaq Times"