Resey prezidenti Vladimir Putin jäne Türkiya basşısı Rejep Tayıp Erdoğan. Foto: https://brodv

Sırtqı ister jäne qauipsizdik sayasatı jönindegi joğarı ökili Jozep Borrel' Süriyanıñ Idlib aymağında jalğasıp jatqan şielenisti tez arada toqtatuğa şaqıradı.

Euroodaq ökili Twitter paraqşasında: «Idlibte bolıp jatqan şielenisti dereu toqtatu kerek. Ülken aşıq halıqaralıq äskeri qaqtığısqa tüsu qaupi bar. Bwl sonday-aq, saldarı auır qayğı-qasiret tudıradı jäne qarapayım twrğındarğa qauip töndiredi. EO barlıq taraptı jıldam eskalaciyağa şaqıradı. EO qauipsizdik müddelerin qorğau üşin barlıq qajetti şaralardı qarastıradı. Biz barlıq müddeli qatısuşılarmen baylanıstamız», – dep jazdı.

Soñğı kezderi Idlibtegi ahual kürdelenip baradı. Osı aptada Süriyanıñ Idlib provinciyasında äue soqqısı saldarınan 33 türik sarbazı mert bolğan. Mälimetter boyınşa, sarbazdar Süriya ükimet küşteriniñ äue soqqısı saldarınan köz jwmğan. Degenmen jağdayğa qatıstı resmi Damask biligi qanday da bir aqparat tarqatqan joq. Soñğı aqpar boyınşa, türik biligi qarsı soqqığa köşken.

Oqiğadan keyin Türkiya prezidenti Rejep Tayıp Erdoğan qorğanıs ministrliginiñ basşıları, sırtqı ister ministri men Qarulı Küşteri Bas ştabınıñ ökilderimen şwğıl keñes otırısın ötkizdi. Türkiyanıñ Sırtqı ister ministri Mevlut Çavuşoğlwmen söylesken NATO Bas hatşısı Yens Stoltenberg «Biz Reseydiñ Süriya äskerine qoldau körsetip otıranın jaqsı bilemiz jäne Kreml'diñ bwl qadamın qoldamaymız. Aldağı uaqıtta jağday uşığıp ketpes üşin Resey şeginui tiis. NATO Türkiyağa qoldau bildiredi», – dedi. AQŞ pen NATO Türkiyağa reseylik S-400 zımırandarınan bas tartu turalı wsınıs bildirdi. Qazirgi uaqıtta aymaqtağı jağday men Türkiya-Resey baylanısı jiti baqılauda.

"The Qazaq Times"