Qordaydan Qırğızstanğa ağılğan qazaqstandıqtar. Foto: aşıq derekköz

Qorday audanında bolğan wltaralıq dauğa wlasqan jappay qaqtığıstan bassauğalap Qırğızstanğa qaray ötip ketken 8 mıñğa tarta azamat elge oraldı.

Bügin, jappay tärtipsizdikten keyingi törtinşi küni, yağni 11 aqpan astanadağı ükimet otırısı kezinde söz alğan Jambıl oblısınıñ su jaña äkimi Berdibek Saparbaev «qaytarılğan qazaqstandıqtar» turalı habarladı äri öñirdegi jağdayğa «twraqtı, qalıptı» degen bağa berdi.

– Eki künniñ işinde segiz mıñğa juıq azamat qaytarıldı. Keşeden bastap mektep, balabaqşanıñ barlığı bwrınğıday jwmıs istep jatır. Barlıq sauda dükenderi de jwmısın bastadı, – dedi komissiya törağası bolıp kelip, aymaq äkimi qızmetine tağayındalğan Saparbaev.

Besinşi märte oblıs äkimi qızmetine kirisken şendi «Bes künniñ işinde därigerdiñ kömegine 141 adam jügingen, sonıñ 19-ı – qwqıq qızmetkerleri. Ökinişke oray, 10 adam qaytıs boldı. Qwrban bolğandardıñ barlığınıñ otbasına järdem körsetilip jatır» dedi. Onıñ sözinşe, bügingi tañda Qorday audandıq auruhanasında 13 adam, Almatı emhanasında 25 kisi jatır. Qordayğa Almatıdan bilikti 10 däriger şaqırılğan. Sonday-aq äkim Qırğıztanda atalğan jağday boyınşa eşkim qalmağanın basa ayttı.

Qazirgi tañda öñirdegi şığın kölemi eseptelip jatır, anıqtalıp bolğan soñ zardap şeguşilerge ötemaqı töleu turalı ükimetke wsınıs joldanbaq. Jergilikti bala-baqşa, mektep jwmısın qayta bastaptı.

Sonımen qatar Saparbaev qaqtığısqa baylanıstı «äleumettik sayasat eşqanday sätsiz bolğan joq, bwl Qazaqstanda ğana emes, basqa elderde de bolatın jağday» dep jauap berdi.

“The Qazaq Times”