Nur Otan partiyası törağasınıñ birinşi orınbasarı Bauırjan Baybek. Foto: aşıq derekköz

Nur Otan partiyası törağasınıñ birinşi orınbasarı Bauırjan Baybek Jambıl oblısı Qorday audanındağı Masanşı auılında bolğan janjalğa baylanıstı pikir bildirdi. Şeneunik pikiri Nur Otan partiyasınıñ instagram jelisindegi resmi parağında jariyalanıptı.

Qadirli ağayın!
­Memleketimizdiñ bastı baylığı – eldiñ tatulığı. Beybit elde ğana bereke boladı.
­Şağın kikiljiñnen qanday jağdaydıñ orın alatının keşegi Qorday oqiğası körsetip otır. Eregistiñ soñı ülken janjalğa wlastı. Adam şığını boldı. Olardıñ imanı salamat bolsın. Biz osınday sätterde aşudı aqılğa jeñdirip, sabırlıq tanıtqanımız jön.
­El prezidenti Qasım-Jomart Toqaev Qordayda orın alğan oqiğağa baylanıstı mälimdeme jasap, qaza bolğan azamattardıñ otbasılarına köñil ayttı. Olarğa tiisti kömek körsetudi tapsırdı. Elde zañ üstemdiginiñ saqtalatının qadap aytıp, Prem'er-Ministrdiñ orınbasarı törağalıq etetin Ükimet komissiyasın qwrdı.
­Qazaqstannıñ tınıştığı, eñ aldımen, el iesi bizge kerek. Zañğa bağınu - barlıq qazaqstandıqtardıñ mindeti. Qwzırlı organdarğa küş körsetuge eşkimge jol berilmeydi.
­Wltaralıq qarım-qatınas – öte näzik dünie. Äp-sätte büldirip alu oñay. Eger elde tatulıq bolmasa, eñ aldımen zardap şegetin halıq. Zañğa jügingen, tatulıq pen eldikti mwrat etken Elbası (Nwrswltan Nazarbaev - red.) sayasatın wstanğan elmiz. Barlıq mäsele zañ ayasında şeşilui tiis. Barşamız, eñ aldımen, partiyalastar, osığan wmtıluımız kerek.
­Bauırjan Baybek

“The Qazaq Times”