Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك. فوتو: اشىق دەرەككوز

Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك جامبىل وبلىسى قورداي اۋدانىنداعى ماسانشى اۋىلىندا بولعان جانجالعا بايلانىستى پىكىر ءبىلدىردى. شەنەۋنىك پىكىرى Nur Otan پارتياسىنىڭ instagram جەلىسىندەگى رەسمي پاراعىندا جاريالانىپتى.

قادىرلى اعايىن!
­مەملەكەتىمىزدىڭ باستى بايلىعى – ەلدىڭ تاتۋلىعى. بەيبىت ەلدە عانا بەرەكە بولادى.
­شاعىن كيكىلجىڭنەن قانداي جاعدايدىڭ ورىن الاتىنىن كەشەگى قورداي وقيعاسى كورسەتىپ وتىر. ەرەگىستىڭ سوڭى ۇلكەن جانجالعا ۇلاستى. ادام شىعىنى بولدى. ولاردىڭ يمانى سالامات بولسىن. ءبىز وسىنداي ساتتەردە اشۋدى اقىلعا جەڭدىرىپ، سابىرلىق تانىتقانىمىز ءجون.
­ەل پرەزيدەنتى قاسىم-جومارت توقاەۆ قوردايدا ورىن العان وقيعاعا بايلانىستى مالىمدەمە جاساپ، قازا بولعان ازاماتتاردىڭ وتباسىلارىنا كوڭىل ايتتى. ولارعا ءتيىستى كومەك كورسەتۋدى تاپسىردى. ەلدە زاڭ ۇستەمدىگىنىڭ ساقتالاتىنىن قاداپ ايتىپ، پرەمەر-ءمينيستردىڭ ورىنباسارى توراعالىق ەتەتىن ۇكىمەت كوميسسياسىن قۇردى.
­قازاقستاننىڭ تىنىشتىعى، ەڭ الدىمەن، ەل يەسى بىزگە كەرەك. زاڭعا باعىنۋ - بارلىق قازاقستاندىقتاردىڭ مىندەتى. قۇزىرلى ورگاندارعا كۇش كورسەتۋگە ەشكىمگە جول بەرىلمەيدى.
­ۇلتارالىق قارىم-قاتىناس – وتە نازىك دۇنيە. ءاپ-ساتتە ءبۇلدىرىپ الۋ وڭاي. ەگەر ەلدە تاتۋلىق بولماسا، ەڭ الدىمەن زارداپ شەگەتىن حالىق. زاڭعا جۇگىنگەن، تاتۋلىق پەن ەلدىكتى مۇرات ەتكەن ەلباسى (نۇرسۇلتان نازارباەۆ - رەد.) ساياساتىن ۇستانعان ەلمىز. بارلىق ماسەلە زاڭ اياسىندا شەشىلۋى ءتيىس. بارشامىز، ەڭ الدىمەن، پارتيالاستار، وسىعان ۇمتىلۋىمىز كەرەك.
­باۋىرجان بايبەك

“The Qazaq Times”