Äbişev isiniñ pazl-kollajı. Foto: QT

Bügin astanada Islam Äbişev pen Serik Tükievtiñ advokattarı Abzal Qwspan, Makiş Esqaraev, Erlan Mäkenov, Sayan Jünisbaev, Almas Äbdirahmanovtıñ wyımdastıruımen «Wlttıq byuronıñ arandatuşılıq äreketteri» taqırıbında ötken baspasöz mäslihatınan habar jariyalağan edik. Endi advokattar bergen tıñ materialdar boyınşa qosımşa aqparat wsınamız. «Para aluğa oqtaldı» degen ayıppen 10 aydan beri türmede otırğan ​ Islam Äbişev pen Serik Tükievtiñ isine qatıstı öz ükimin şığarar sätte sud'ya Qajımwqan Mekemtas nege «auırıp» qaldı? Äbişevter äuletiniñ üstinen qılmıstıq is qozğalğanı ras pa? Äbişevter otbası tügel «para aluşılar» men «para beruşiler» me? Wlttıq byuro men prokuror tarapınan qanday «qısım» bolıp jatır?

Abdurahmanov A., Qwspan A., Esqaraev M., Jünisbay S. istiñ jay-japsarın aşıp ayttı.

«Para aluğa oqtaldı degen ayıbın sot tergeuinde kül-talqanın şığardıq. Sot procesi barısında wlttıq byuro qızmetkerleri zañsız aralasıp, kuägerge qısım körsetti. Bwğan naqtı dälel jetkilikti. Üş ay jasırın tergeu jürgizgen antikorrupciya qızmeti eşqanday qılmıstı anıqtay almasa da, aqparat qwraldarında qaralau maqsatında jalğan beynehabar tarattı. KTK-dan bastap, Azattıqqa deyin osını tarattı. ...Küdikti retinde tartılğan Äbişev pen Tükievke qatıstı «para aluğa oqtalu» degen ayıp öz dälelin tappağan soñ, endi Wlttıq byuro qızmetkerleri olardıñ tuğan-tuıstarınıñ (qızdarı men bauırlarınıñ) üstinen «para beruge oqtalu» degen ayıppın is qozğap qoyıptı. Oğan negiz retinde tergeu izolyatorındağı bizdiñ keybir äñgimemizdi jazıp alğan eken. Biraq onda aytılğan sözdiñ eşbirinde para beru arqılı isti toqtatu turalı şeşim-toqtam bolmağan»,– deydi Abzal Qwspan. Dese de qwqıq qorğau organdarı «qwpiyalılığına kepildik» berilui tiis kezdesudegi sözdiñ stenogrammasın wsınbağan. Osılayşa, «wlttıq byuro zañdı attap ötip, arandatu ädisimen köpe körneu, negizsiz is qozğadı» deydi.

Bwğan deyin Islam Äbişev 2012 jılı AŞM Su resurstarı komitetiniñ törağası qızmetine tağayındaldı. 2013 jıldıñ şildesinde qızmetinen alastatıldı. 2014 jıldıñ şildesinde qaytadan komitet törağası qızmetine keldi. Al 2019 jılğı 14 naurızda Äbişevti Sıbaylas jemqorlıqqa qarsı is-qimıl agenttiginiñ qızmetkerleri twtqındadı.

«Üş aydıñ üstinde jedel-izdestiru jwmıstarı üzdiksiz jürgizilse de, qolına bir tiın almağan Äbişevke qalayşa «ol para alğısı keldi» dep ayıp tağuğa boladı?

Bwrın qarjı policiyasınan jwmıstan quılğan, üstinen birneşe märte

qılmıstıq faktiler boyınşa arızdar tüsken, özi qwqıq qorğau organdarımen tığız baylanısta jürgeni tolıq anıqtalğan bir adam eş dälelsiz, däyeksiz eki birdey memleket jäne qoğam qayratkerin sottatıp jibere bere me?

...Qañtar ayınıñ 28-i küni WB qızmetkerleri Äbişevtıñ qızdarı Gülmira Äbişeva, Mädina Äbişeva, inileri Eralhan jäne Qanıbek Äbişevterge qatıstı isti qayta jandandırıp, olardı küdikti dep tanıdı. Al sottaluşı Äbişev pen Tukievti küdikti dep tanuğa qaulısı dayın twr (advokat mäselesi şeşilmeui sebepti keyinge qaldırıldı)», – dep, şarq wrğan qwqıq qorğauşınıñ qorğau sözinde biraz mäseleniñ tüyinin tarqattı.

Äbişev isindegi bastı figuranıñ biri, arızdanuşı-kuäger Azamat Şaymerdenov "qwpiya qızmettermen" ıntımaqtastıqta. Foto: Äbişev advokattarınan

Advokat Abzal Qwspan azamattıq qoğam belsendileri «seksot»  (sekretnıy sotrudnik) dep ataytın, kuä-arızdanuşı Şaymerdenov pen naqaq küye jağılıp jatqan Islam Äbişevtiñ araqatınası turalı birqatar mañızdı derekterdi bölisti:

– Qılmıstıq istiñ 1 tomı, 3-5 betterinde Şaymerdenovtıñ jazğan  arızı bar, ol arızğa säykes I.Äbişev onıñ basqaruındağı «SMP 610» mekemesinen  2014 jılı 1 mln  dolları köleminde para aldı degen derek körsetilgen. Sol kezdegi kurs boyınşa ol aqşa 180 mln teñgege keledi, Şaymerdenovtıñ «Qazbaylıqtan» 250 mln teñge alıp, onıñ 190 mln teñgeni özine alıp qalıp, Äbişevke bermekşi bolğan 60 mln teñge sol aqşanıñ ayırması eken-mıs! Endi osı añız-legenda negizinde tergeu organdarı, Şaymerdenovtiñ arızın tirkep, ol boyınşa birneşe ay köleminde tergeu äreketterin jürgizip, keyinnen 15.03.2019 jılı Äbişevtiñ is-äreketin saralau barısında, sol 2014 jılı 1 000 000 dolları köleminde para alğanı üşinde küdikteletini körsetilgen. YAğni Äbişev para aluğa oqtaludan bölek, asa iri kölemde para alğanı üşinde küdikti dep tanıldı.

Endi, eñ qızığı keyinnen is qazaq tiline audarılğan soñ, JTT qwramı jañartılıp, JTT basşısı bolıp A.Ataşev tanılğannan keyin Äbişevtiñ 2014 jılı Şaymerdenovten 1 mln dolları köleminde para alğanı turalı fakt boyınşa Ataşev tarapınan Äbişevke qatıstı qılmıstıq is «qılmıs qwramınıñ bolmauına» baylanıstı toqtatılğan. YAğni Şaymerdenovtıñ alğaşqı qwrğan añız-legendasınıñ kül-talqanı şıqtı. Degenmen, prokuror bwl taqırıptı meylinşe aynalıp ötuge tırısuda, – dedi.

Sonday-aq Islam Äbişev advokatqa bergen jauabında «meniñ   üstimnen   arız   beruşi   Şaymerdenovtiñ   mağan   jeke   basınıñ   ülken   bas   arızdığı   bar.   Onıñ   sebebi,   arız   bererden   5-ay   bwrın   men   basqarğan   su   resurstarı   komiteti   men   Şaymerdenovtiñ   kompaniyası   SMP-610   arasındağı   kelisim   şarttı   (qwnı   7,6   mlrd   teñge)   bir   jaqtı   meniñ   talabım   boyınşa   üzgen   bolatınbız.   Mwnıñ   zañdılığı   sot   arqılı   däleldengen» degenin eskersek, arızdanuşı Şaymerdenovtiñ kek twtuı men  ülken somadan qağılğan joğarı şendilerdiñ ortaq müddelestiginiñ zañdılığın bağamdauğa boladı dep sanaydı azamattıq belsendiler.

Qılmıstıq is boyınşa jiberilgen (ärqaysısı qılmıstıq isti qısqartuğa nemese aqtau ükimine negiz bolatın) konceptualdı processtik zañbwzuşılıqtar:

Sot jürgizu tili zañnamasınıñ bwzıluı

Qılmıstıq isti tergeu JTT jetekşisi D.Bahıtovtıñ 21.12.2019 j. şeşimimen eş däleldi sebepsiz orıs tiline auıstırılğan;

İsti qayta qazaq tiline audaru turalı ötinişter QR Wlttıq Byurosı JTT tergeuşisi A.N.Qarabaevpen 08.05.2019 j., qanağattandırusız qaldırılğan;

Qorğau tarapınan Bas Prokuraturağa berilgen şağım 1 qızmet basşısı S.R.Şalabaevpen 10.06.2019 j. qanağattandırusız qaldırılğan;

10.06.2019 j., tergeu sotınıñ sud'yası Isaevanıñ Qaulısımen ayıptau tarapınıñ äreketi zañsız dep tanıldı, WB tergeuşileri atına til zañdılığın bwzğanı üşin Jeke qaulı şığarıldı;

 1 tom 13 bet

3 tom, 149 bet

28 tom, 4 bet – qorğau tarapınan ötinişter

3 tom, 155 bet - tergeuşi Qarabaevtıñ Qaulısı

İske äli jalğanğan joq

28 tom, 7 bet
Sol arqılı QR  QPK nıñ 9 b., 2 b., 30 b., 1 men 2 b. talaptarı bwzılğan,

QR QPK-nıñ 436 b., 1 b. säykes bwl jağday sot ükiminiñ bwzıluına negiz boluı mümkin

 

Saraptama qorıtındısınıñ zañsızdığı turalı

Qılmıstıq iste ŞQO boyınşa sot saraptaması Institutınıñ sarapşısı G.K.Kudaybergenovanıñ №1348 sandı, 28.06.2019 j., №1349 sandı, 21.06.2019 j., №1350 sandı, 25.06.2019 j., №1351 sandı, 24.06.2019 j., sot psihologiyalıq- filologiyalıq saraptamalarınıñ qorıtındıları (SPFS) bar;

 

Atalğan saraptamalarğa säykes I.Äbişev te S.Tükievte arızdanuşı Şaymerdenovten para talap etken.

 8-9 tomdarda tolığımen osı 4 saraptama tigilgen;

Qorğau tarapı 24.10.2019 j. sot otırısında QR ÄM sot saraptama ortalığınıñ direktorı  D.Gaurievtiñ atınan şığıs; 20-05-15 №3133 sandı 04.10.2019 j. recenziyasın iske jalğadı. Oğan säykes, sarapşı G.Qwdaybergenova saraptama jürgizu turalı metodikasın, «Saraptama turalı» zañı talaptarın bwzğanı üşin tärtiptik jauapkerşilikke tartıldı.
QR QPK-niñ 35 babı 1 böligi 2 tarmağınıñ talaptarına säykes is sözsiz toqtatıluğa (qısqartıluğa) jatadı! Sebebi, saraptama qorıtındıları eñ negizgi däleldeme bolıp tabıladı, öytkeni I.Äbişev para alu turalı emes, aluğa oqtaldı dep ayıp tağılğan. Tiisinşe eñ negizgi däleldeme olardıñ özara söylesken äñgimesine jasalğan saraptama bolıp tabıladı!

 

Arandatuşılıq-aydap saluşılıq turalı

I.Äbişevtiñ Şaymerdenovten aqşa swrauı mümkin emes, sebebi 2018j. küzinde SRK-KVR «SMP-610» JŞS-men şarttı birjaqtı bwzğan, onıñ artı dauğa wlasqan, Şaymerdenov Äbişevtıñ üstinen sol üşin arız jazğan, sotqa bergen

 

Islam Abişevke qatıstı aqşa turalı märimetter men äñgimeler tek qana eki jağdayda jazılğan, onıñ; 1.20.01.2019j.  Riksos qonaq üyinde

 

2.07.03.2019j. Astana-Şımkent bağıtındağı wşaqta

 

 16 tom, 40-45 better zañdı küşine engen sot şeşimderi,  «SMP-610» JŞS qızmetkeri  A. Jampozovtıñ jäne SRK-KVR qızmetkerleriniñ jauaptarı

 

9 tom, 11-42, 69-86 betterde saraptama stenogrammaları bar.

Äñgime mazmwnında eki taraptan da para turalı bir auız söz joq!

 

9 tom, 165 bette. Osığan säykes:

- A.Şaymerdenovtıñ arızı boyınşa 60 mln.teñge para talap etti dep ayıptalğan I.Äbişev qoñırau şalıp A.Şaymerdenovti kezdesuge şaqırmağan;

- sol küngi wşaqtağı kezdesu A.Şaymerdenovtiñ bastamasımen ğana orın alğan, öytkeni qorqıtıp aqşa talap etti degen I.Äbişev eş habarsız ketkesin soñğınıñ wşıqqa otırıp Şımkent qalasına wşıp bara jatqanın bilip, wlttıq byuronıñ jedel qızmetkerleri 07.03.2019j. dereu A.Şaymerdenovti Nwr-Swltan qalasınıñ äuejayına şaqırıp alıp, sol jerde sağat 14.45-14.50 uaqıt aralığında A.Şaymerdenovke «Moskit» markalı diktofonın berip (13-buma, 29-bette arnayı qwraldı tapsıru turalı hattama), wşaqqa otırğızıp jiberedi.

- Wşaqta otırıp, özine habarlaspağan, şaqırmağan I.Äbişevke baylanısqa şığadı, swranıp qasına otırıp aladı;

- I.Äbişevtiñ qasına otırıp, aqşa turalı äñgimeni özinen-özi bastaydı, arasında 50 mln.teñge turalı da aytadı, alayda stenogrammadağı äñgime mazmwnında I.Äbişev A.Şaymerdenovtiñ aqşa turalı äñgimelerine dwrıs jauap qatpaydı jäne aqşa talap etu nemese swrau turalı äñgime qozğamaydı. 50 mln.teñge aqşa turalı äñgimeler müldem basqa qos merdigerlikpen baylanıstı taqırıpta qozğaladı;

- stenogramma mazmwnına säykes, I.Äbişev S.Tukievtiñ Federaciyağa demeuşilik retinde A.Şaymerdenovten 10 mln.teñge alğanınan da beyhabar bolıp şığadı.

Däl osı jağday stenogramma mazmwnımen ğana däleldenip qoymay, 31.10.2019j. sot tergeuinde bergen A.Şaymerdenovtiñ öziniñ jauaptarımen rastaladı. Atap aytsaq, 20.02.2019j. bastap 07.03.2019j. wşaqqa otırğanğa deyin bwrın soñdı 50 mln.teñge aqşa talap etti degen I.Äbişev öziniñ tarapınan eşqandayda qorqıtıp para talap etuşilik äreketin jasamağan, A.Şaymerdenovke habarlaspağan, onı kezdesuge şaqırmağan.

Sol sebepti QR SJQK WB-nıñ jedel qızmetkerleri birneşe ayğa sozılğan jasırın tergeu amaldarınıñ tüpkilikti nätijeli jüzege asırıluın qamtamasız etu maqsatında 07.03.2019j. I.Äbişev Şımkent qalasına wşıp bara jatqanın bilip, A.Şaymerdenovtı äuejayğa şaqırtıp alıp, oğan dıbıs jazba qwralın tapsırıp, wşaqta I.Äbişevtiñ qasına otırıp alıp, aqşa turalı äñgime qozğauğa ädeyi itermeleydi.

Jedel qızmetkerler men A.Şaymerdenovtiñ özderiniñ äreketterimen I.Äbişevti paraqorlıqqa arandatqanı, joğarıda körsetilgen dälelderden bölek, A.Şaymerdenovtiñ Şımkent qalasınıñ äuejayında jedel qızmetkerlerimen kezdesip, diktofonğa jazılğan äñgimelerin talqılap jatqan sözderinen anıq bayqaladı. Alayda däl osı äñgimeler SPFS zertteu ob'ektisine jedel qızmetkerleri ädeyi kirgizbey qoyadı!
QR SJQK WB-nıñ jedel qızmetkerleri men A.Şaymerdenovtıñ osı qılmıstıq istiñ ayasında jasağan äreketteri qılmıstı immitaciyalau emes, I.Äbişevti jäne S.Tükievti qwqıq bwzuşılıqqa itermeleuge jäne paraqorlıqqa arañdatuşılıqqa anıq bağıttalğan. Al QR «Jedel-izdestiru qızmetu turalı» Zañınıñ 15-babında, jedel-izdestiru qızmetin jürgizu kezinde azamattardı qwqıq bwzuşılıqqa itermeleuge jäne arañdatuğa şekteuler qoyılğan!

 

Ayıptau tarapınan kuä dep tanılğan twlğalardıñ sot tergeuinde bergen jauaptarı

Kuä A.Jampozovtıñ tergeudegi jauaptarı (Ayıptau aktisinen): Kuä A.Jampozovtıñ sottağı jauaptarı
Kuä A.O. Jampozovtıñ jauaptarımen, onda özine I.A. Abişevtiñ  A.K. Şaymerdenovtiñ dostarına «Sokolov toptıñ su qwbırı» memlekettik satıp alu alıp beru üşin 120 mln. teñge aqşalay qarajat alu josparlap jatqanı turalı mälim bolğanı. 2018j. şamamen 15-16 jeltoqsanında «Monaka» meyramhanasında bolğan kezinde, sırtta A.K. Şaymerdenov pen S.A. Tukievtiñ aralarında «Qazaq küresi» demeuşilik kömek turalı äñgime bolıp jatqanı turalı estigenin. I.A. Abişev ne sebepten S.A. Tukievke aqşa qarajatın berudi sozbalañdıqqa salıp jürgenin. Sodan I.A. Abişev aqşanı berudi a.j. 01 aqpanına deyin berudi bolmasa «Sokolov toptıq su qwbırı» boyınşa aqşalay qarajattı qısqartatının, öz kezeginde S.A. Tukiev aqşa tez arada qajet ekenin aytqanın. A.Şaymerdenov şığıp ketkennen keyin I.Abişev barlığına odan eşteme swramadım dep arnayı aytqanın, sebebi ol jazıp alu mümkin ekenin, A.Şaymerdenov özi demeuşilik kömek beremin dep aytqanın.

A.j. 13 naurızında Astana qalası, Twran köşesinde ornalasqan «Tradicional'» meyramhanasında K.A. Äbişevpen jäne   K.Ş. Şındauletovpen jolığu barısında K.A. Äbişev özinen A.K.Şaymerdenov turalı swrastırğanın. Özine K.A.Äbişevke jäne K.Ş.Şındauletovke «Sokolov toptıq su qwbırı» memlekettik satıp alu boyınşa A.K.Şaymerdenovten aqşalay qarajattı aludı I.A. Abişev tapsırğanın tüsingenin körsetken.

 

İs beti: 16 buma, 40-45 b.

İs beti: 28 buma, 48-49 b.

 Sot tergeuinde kuä A.Jampozov tergeu kezinde bergen 4 birdey jauabınan tolıq bas tartıp, özine tergeu tobınıñ körsetken qısımı turalı aşıq mälimdedi. Eñ şınayı jauap biılğı jıldıñ aqpan ayında tergeuşi Idrisovke bergen jauap alu hattamasın tergeutobınıñ jetekşisi A.Agibaev mamır ayında jırtıp tastap, Idrisovtıñ atınan alınğan jauaptı qayta jasaqtap, soğan qol qoyuğa mäjbürlegen. (Kuä söziniñ jauabı, sol hattamada jauap alğan twlğa retinde Idrisovtıñ körsetilip, hattama soñında Agibaevtıñ qol qoyuımen qwjat türinde de rastaladı!). Odan keyingi  jauaptardıñ bärin de tergeuşiler özderi jasaqtağan, bwl tek qolın qoyumen ğana şektelgen. Tergeu tobı is sotqa jetkennen keyinde qısım körsetuin qoymağan, olar kuäni özderine şaqırtıp, telefon arqılı qorqıtqan, «vatsap» arqılı 4 jauap hattamasın joldap, sotta sol hattamalarda jazılğan sözderdi ğana qaytalap aytıp, al advokattar swrağına «esimde joq» dep aytuın tapsırğan. Kuäniñ ol sözderi özi sotqa wsınğan jäne is materialdarına jalğanğan tergeu tobı müşeleriniñ jazğan SMS habarlamalarımen tolıq däleldendi. Kuäniñ jazbaşa ötinişi boyınşa sot oğan qorğau tağayındap, qorğaudı WQK qızmetkerlerine tapsırdı. Öziniñ ömirine jäne densaulığına qauip töndirip otırğan twlğalar retinde kuä sotta SJQK Wlttıq Byurosı qızmetkerleri men osı is boyınşa arızdanuşı A.Şaymerdenovtı atap körsetti jäne oğan naqtı dälelderin wsındı.

 

 
Kuä Makişevtıñ tergeudegi jauabı Kuä Makişevtıñ sottağı jauabı
Kuä A.S.Makişevtiñ jauabımen.             Kelisim şart jasalğannan keyin, şamamen 2018 jıldıñ qaraşa ayınıñ ayağında jeltoqsan ayınıñ basında, A.Şaymerdenov kezdesken kezde özine, Islam Abişev odan «Kazbaylıq Astana» JŞS aqşanı, yağni 250 000 000 teñgeni qaşan beredi dep swrap jatır degenin. Öz kezeginde bwl sözderdi Azamat Tyulegenovke jetkizgenin, biraq ol özine ärdayım qazir äzirge aqşa joq dep aytqanın. 2019 jılı aqpan ayınıñ basında A. Şaymerdenov özimen kezdesken kezde, I. Abişev biz uäde etken aqşalay qarajattardı berudi talap etudi jalğastıruda, bermegen jağdayda Komitet SRK Sokolov su qwbırın qayta jöndeu boyınşa jwmıstardı jürgizuge baylanıstı şığındardı sekvestrleydi, bwl öz kezetinde, «Kazbaylıq» JŞS memlekettik satıp alu boyınşa bekitilgen kelisim şart boyınşa, öz mindetterin orındaudı qamtamasız etu retinde wsınğan 500 mln. teñge mölşerindegi bank kepildigin qaytarudı keşiktiruge äkelip soğadı dep aytqanın. Onıñ üstine, qaşan ekeni esinde joq, A. Şaymerdenov özimen äñgime barısında, Islam Abişevtıñ «Qazaq küresi» qoğamdıq birlestiginde Tukiev Serik degen dosı bar, ol biz aqşalay qarajattardı beru turalı öz mindetterimizdi orındamay jürgenimizdi biledi dep aytqanın, özine, sonday aq «Kazbaylıq Astana» JŞS basşılığına, öziniñ tüsinigi boyınşa özderiniñ «torped»-baluandarın, olar küş qoldanıp dep qorqıtqanın aytqanın.

İs beti: 22 buma, 1-5 b.

 Sotta bergen jauabında A.S.Makişev tergeude bergen jauaptarınan bas tartıp, öziniñ tek qana A.Şaymerdenov pen «Qazbaylıq» JŞS basşıların tanıstıru maqsatında ğana ärekete etkenin, eşqaşan eşkimnen aqşa alıp, onı Şaymerdenov nemese basqa bireuge beru oyı bolmağanın, sonımen qatar öziniñ eşqaşan «Qazbaylıq» JŞS direktorı bolmağanın jäne eşkimge direktorımın dep aytpağanın körsetti. I.Abişev pen S.Tükievke qatıstı aqparattı tek qana A.Şaymerdenovten estigenin, ol aqparattardıñ basqa eşqanday derekközi bolmağanın atap ötti. Odan basqa, tergeu organdarınıñ oğan qatıstı «Qazbaylıq» JŞS direktorı retinde JİŞ (jedel izdestiru şaraları) jürgizgenin bilmegenin, ol jalğan aqparat ekenin, arızdanuşı A.Şaymerdenov onıñ direktor emes ekenin jaqsı biletinin körsetti.

 

 

 

 

 

 

 

 

 

 

 
Kuä Tyulegenovtıñ tergeudegi jauabı Kuäniñ sottağı jauabı
Kuä A.B. Tyulegenovtıñ jauabımen. Şamamen 2018 jıldıñ qaraşa ayınıñ soñında Astana qalası, Jañajol köşesi, 19 üy meken-jayındağı JŞS ofisinde A.Makişev ekeuiniñ ortalarında äñgime ötkenin, ol özine äñgime barısında, «Kazbaylıq Astana» JŞS atalğan su qwbırların qaytadan jañartudıñ merdiger retinde tañdalıp alınğanı üşin, SRK basşılığı «zañsız» para talap etip jatır degenin. Özine Ashat Makişev atağan «otkattıñ» soması, kelisim-şarttıñ somasınan 4-5% qwraytının, jalpı alğanda şamamen 250 mln. teñgedey bolatının. 2019 jıldıñ basında, Ashat Makişev menimen äñgime barısında, SRK basşılığı onı «qinap jatır» dep, yağni «zañsız» türde aqşa talap etip jatır dep birneşe ret aytqanın. Özi Ashattı renjitip almas üşin, özide qazir onday aqşa soması joq dep, oğan jaltarıp jauap bergenin. Biraq, özi negizinen eşkimge para bergisi kelmegenin jäne niet bildirmegenin. aytıp körsetken.

İs beti: 22 buma, 26-29 b.

 Sotta kuä öziniñ 2018 jıldıñ qaraşa ayınıñ soñında Astana qalası, Jañajol köşesi, 19 üy meken-jayındağı JŞS ofisinde A.Makişevke jasalğan kelisim-şartıñ otkatı retinde 250 000 000 teñgeni I.Abişevke beruge kelisim bergeni turalı mälimetti tolıq teriske şığardı! Ol eşqaşan eşkimge para beruge kelisim bermegenin, onday niet tipti oyında bolmağanın atap körsetti.

 

 

 

 

 

 

 

 

 

 

 

Qoldanıstağı QPK talaparına säykes, kuäniñ jauabı is boyınşa mañızdı däleldemeler qatarına jatqızılğan. Osığan oray is boyınşa ayıptau tarapınan körsetilgen kuälerdiñ sotta bergen jauaptarına toqtalıp ötetin bolsaq, is boyınşa arızdanuşı A.Şaymerdenovten basqa birde-bir kuä (!) I.Abişevke nemese S.Tükievke qarsı «olar para talap etti nemese bopsaladı» degen jauap bergen joq!

*Foto-kesteler advokattardıñ jeke kelisimimen alındı.

"The Qazaq Times"