Memleket basşısı Toqaev pen ükimet basşısı Mamin. Foto: aşıq derekköz

Bügin elordada prezidenttiñ qatısuımen ötken ükimettiñ keñeytilgen otırısında ministrler kabineti men prem'er-ministrge birqatar eskertu jasap, tapsırma jüktedi.

«Qwrmetti jiınğa qatısuşılar. Bügin özderiñiz körip otırsızdar, berilgen tapsırmalardıñ tiisti deñgeyde orındalmağanına sögis jariyalağan joqpın. Biraq kemşilikter jeterlik. Mısalı, öz sözimde aytqanday, halıq twtınatın eñ qajetti tauarlardıñ bağasın ösirip jibergeni üşin qatañ şaralar qoldanua bolar edi. Jalpı alğanda sögis beru jaqsı nätijege jetudiñ asa tiimdi jolı emes. Bwl meniñ naqtı wstanımım. Sondıqtan ükimet müşeleri jäne äkimderge kemşilikti tüzetuge mümkindik berip otırmın. Sol sebepti bügingi jiın barısında berilgen tapsırmalardı zor jauapkerşilikpen orındau qajet. Köktemde bwl mäselege qayta oralamız. Sol kezde türli sebepterge baylanıstı özderine jüktelgen mindetterdi tiisti deñgeyde atqara almağandardı qızmetinen bosatu jöninde naqtı şeşim qabıldaymız. Aldımızda auqımdı mindetter twr», – dedi prezident Toqaev.

«Byudjettik sayasattıñ tiimdiligin tıñğılıqtı zerdeleu qajet. Men imidjdik is-şaralarğa byudjet şığıstarın qısqartudı tapsırğan edim. Ükimet şığıstardı 300 mlrd teñgege oñtaylandırdı. Degenmen, mwnı mäseleni şeşudegi alğaşqı qadam dep sanaymız», – dedi Qazaqstan Prezidenti. Sonımen qatar Memleket basşısı däl osınday jwmıstı kvazimemlekettik sektorda da jürgizu qajettigin atap ötti. «Önimsiz şığıstardı qısqartuğa bağıttalğan däl osınday jwmıstı kvazimemlekettik sektorda da jürgizu qajet. Ükimetke 2020 jıldıñ 1 mamırına deyin atqarılğan jwmıstardı bayandaudı tapsıramın», – dediQasım-Jomart Toqaev.

 «Reformalardı jüzege asıru qarqını bayau jürip jatqanın moyındau kerek. Sondıqtan elimizdiñ ekonomikası üşin reformalardıñ bağdarlamaların äzirleu mañızdı dep sanaymın. Bizge negizgi problemalardı şeşuge äser etetin jaña ekonomikalıq bağam qajet. Reformalardı jüzege asıru üşin şeşim qabılday bilu qajet. Sondıqtan men ükimetti şeşim qabıldauğa şaqıramın», – dedi prezident.

Memleket basşısı bügingi jiın barısında berilgen tapsırmalardı zor jauapkerşilikpen orındau qajettigin eskertti. Toqaev memlekettik apparattıñ şeşimdi bayau qabıldaytının aytıp ötti. «Bwlay jwmıs isteuge bolmaydı. Reformalardı jüzege asıru kerek. Prezident şeneunikterdi dwrıs äri jıldam jwmıs isteuge mäjbürlep, baqılauşı retinde jüre almaydı. Prem'er-ministr de mwnday qarqınmen jwmıs istemeui qajet. Onıñ aldında mülde basqa mindetter twr. Sol sebepti memlekettik apparat öz jwmısın tiimdi äri jedel atqarıp otıruı kerek», – dedi memleket basşısı.

“The Qazaq Times”