Qazaqstandağı 2019 jılğa josparlanğan halıq sanağı 2020 jılğa auıstırıldı.

Biliktiñ qaulısına säykes, respublika aymağındağı azamattardı tirkeu ärbir 10 jılda bir ret jürgizilip otıru tiis edi. Soñğı ret 2009 jılı ötken sanaq 2019 jılı elektrondı format türinde jürgiziletindigi söz bolğan.

2017 jılı Eñbek jäne halıqtı äleumettik qorğau ministri Tamara Düysenova bolaşaqqa bağdar jasap, 33 jıldan keyin, Qazaqstanda 24,5 mln adam ömir süretindigi turalı mälimdegen bolatın. Biraq, soñğı jıldardağı ekonomikalıq jağdaylar men qoğamdağı köpbalalı otbasılarğa jasalıp jatqan jağdaydıñ tım tömendiginen mwnday statistikanıñ şığu-şıqpauı ekitalay ekendigi ras.

Sonımen qatar, Elbası Nwrswltan Nazarbaev bwğan deyin 2020 jılı Qazaqstan halqınıñ sanın 20 mln-ğa jetkizu qajet ekenin aytqan.  Biraq, mwnıñ qanşalıqtı orındalatındığı äzirge belgisiz. Sebebi, bıltır ğana Wlttıq ekonomika ministri 1 şildede Qazaqstanda 18 034,3 mıñ adam twratındığın jariyalağan. Bwl statistikalarğa qarap otırıp, 33 jılda 6 million adamğa ösetin elimizde, keler jılğa deyin 2 million adamnıñ qosılatındığına senu qiın.

Halıqtıñ ösuin közdep otırğan biliktegiler, köpbalalı otbasılarğa 16000 teñge järdemaqı berip jarılqauda. Osıdan keyin, statistikanıñ qanday bolatındığın elestetudiñ özi de bwlıñğır bolaşaqtıñ enşisinde.

"The Qazaq Times"