Qırğızstanda sırtqı migraciya jalğasuı mümkin. Foto: Retail.ru.

Qırğızstannıñ 43 payızdan astam halqı özininiñ äleumettik jağdayına razı emes. Bwnday zertteu nätijesin eldegi «Demokratiya jäne azamattıq qoğam üşin» koaliciyası jariyalağan.

Atalğan wyımnıñ ökili Aqılbek Esenqwlov BBC-ge bergen swhbatında, öz ömir süru şart-jağdayına razı emes 43 payızdan köp azamattıñ basım köbi Bişkek qalasında. Eldiñ ortalıq qalasında saualnamağa qatısqandardıñ 46 payızı öziniñ äleumettik äl-auqatına qanağattanbaydı. Öziniñ ömir süru şart-jağdayına razı qırğızstandıqtan payızdı wstaydı. Sonday-aq, wyımnıñ mälimdeuinşe, el azamattarınıñ 6 payızı Qırğızstannan ketip qalğısı keledi.

Arnayı saualnamağa qala, oblıs ortalıqtarı jäne auıl twrğındarı bolıp 18 jastan joğarı 1639 adam qatısqan. Öñirler boyınşa salıstırğanda Batken jäne Oş twrğındarı öz äl-auqatına köbirek qanağattanadı.

«Demokratiya jäne azamattıq qoğam üşin» dep atalatın wyımnıñ körsetken qorıtındısına säykes, elden şığıp ketkisi keletinderdiñ körsetetin bastı sebebi – jwmıssızdıq jäne jalaqınıñ tömendigi.

El twrğındarınıñ ömir süru şart-jağdayına qatıstı arnayı saualnamalıq zertteu Qırğızstandağı atalğan wyım jağınan alğaş ret ötkizilip otır. Olardıñ boljauınşa, jağday osılay jalğasa berse Qırğızstannıñ sırtqı migraciyası toqtausız köbeye bermek.

“The Qazaq Times”