Şımkenttiñ su jaña äkimi Mwrat Äytenov. Foto: aşıq derekköz

Memleket basşısınıñ jarlığımen 2019 jıldıñ 30 şildesinen beri Şımkent qalasınıñ äkimi bolğan Erlan Quanışwlı Aytahanov qızmetinen bosatıldı. Onıñ ornına Mwrat Äytenov tağayındaldı.

Prezident Toqaetvıñ jarlığımen jäne qalalıq mäslihattıñ kelisimimen Mwrat Düysenbekwlı Äytenov Şımkent qalasınıñ äkimi bolıp tağayındaldı. Mwrat Düysenbekwlı Äytenov 1981 jılı 30 qazanda Oñtüstik Qazaqstan oblısı Jetisay qalasında düniege keldi. 2004 jılı S.M. Ştemenko atındağı Krasnodar äskeri institutın «Wyımdastıru jäne aqparattı qorğau tehnologiyası» mamandığı boyınşa bitirgen. 2011 jılı Qaztwtınu odağınıñ Qarağandı ekonomikalıq universitetin «zañtanu» mamandığı boyınşa ayaqtağan. Eñbek jolın Astana qalasında 2004 jılı Qazaqstan Respublikası Qorğanıs ministrligi janındağı arnayı baylanıs böliminiñ kezekşilik auısımınıñ ağa injener-bastığı bolıp bastağan. 2006-2008 jıldarı – «Astana-Önim» AQ şaruaşılıq aulasınıñ meñgeruşisi. 2008-2010 jıldarı – vedomstvolıq qarastı wyımdardı basqaru jönindegi bölimniñ öndiristik qızmetti üylestiru sektorınıñ sarapşısı. 2010-2012 jıldarı – Qazaqstan Respublikası Prezidenti İs basqarmasınıñ resmi is-şaralar jäne sırtqı baylanıstar bölimi meñgeruşisiniñ orınbasarı. 2012-2013 jıldarı – osı basqarmanıñ resmi is-şaralar jäne sırtqı baylanıstar böliminiñ meñgeruşisi. 2013-2016 jıldarı apparat basşısı lauazımına tağayındaldı. 2017-2019 jıldarı QR Prezidenti İs basqaruşısınıñ orınbasarı, 2019 jılğı jeltoqsannan beri Şımkent qalası äkiminiñ birinşi orınbasarı bolğan.

"The Qazaq Times"