Şımkenttegi Naurız toyına qanşa qarjı bölindi? Qala äkimi Äytenov jauap berdi

Şımkenttegi Naurız toyınıñ daulı byudjetine qatıstı swraqqa qala äkimi Mwrat Äytenov jauap berdi. Üş ay bwrın memlekettik satıp alu portalındağı resmi derekterdi negizge alğan jurnalister men belsendiler änşi Säken Mayğaziev basqaratın Şımkent qalalıq mädeniet üyiniñ Naurızğa arnalğan is-şaralarğa 595 mln teñge qarjı bölgenin anıqtağan. Sol kezde bwl oqiğa qoğamda ülken şu tudırğan edi.

Äytenovtıñ aytuına qarağanda, jurnalister Naurızğa bölindi degen 595 mln teñge "jıl boyı ötetin özge de is-şaralarğa qarastırılğan".

"Qatelik tiisti qızmetkerlerden. Jıl boyına dep bölingen qarjattı portalğa tek qana Naruızğa dep engizgen. Sonıñ saldarınan osınday jağday boldı. Bwl adamnıñ qateligi bolğandıqtan, ol tiisti jazasın aladı" dedi Äytenov ortalıq kommunikaciyalar qızmetinde ötken brifingte Qazaq Times tilşisiniñ swrağına bergen jauabında.

Şımkent qalasınıñ äkimi M.Äytenovtıñ Naurız toyınıñ byudjetine qatıstı swraqtarğa bergen tolıq jauabı

Äytenovtıñ "Naurızğa 213 mln teñge bölindi, 595 mln teñge jıl boyı ötetin is-şaralar üşin qarastırılğan" degeni memlekettik satıp alu portalındağı resmi derekke qayşı. Öytkeni Şımkent qalalıq mädeniet üyiniñ jıl bastalğalı merekelik is-şaralar üşin jasasqan kelisimşarttarınıñ jalpı qwnı qazirdiñ özinde 680 mln teñgeden asıp ketti. Memlekettik satıp alu portalındağı mälimetke qarğanda, Şımkent äkimdigi merekelik is-şaralarğa 2021 jılı 800 mln teñgeden astam qarajat jwmsaudı josparlap otır.

Şımkentte Nauırzğa oray ötken is-şaranıñ biri - "MuzArt" tobınıñ koncerti. Bwl koncertke qarjı bölgen qalalıq mädeniet üyin atalğan toptıñ änşisi Säken Mayğaziev basqaradı. Osı mäselge qatıstı tilşi "Mayğazievtiñ özi än aytatın toptıñ koncerti üşin öz basqaratın memlekettik mekeme byudjetinen qarjı bölgeni qanşalıqtı zañdı?" degen swrağına Äytenov mardımdı jauap bere almadı. Ol Mayğazievtiñ öz tobınıñ koncerti üşin qarjı bölgeni "zañ talaptarın bwzğan joq" degenge sayatın pikir ayttı.

"The Qazaq Times"