Pavlodar oblısınıñ eks-äkimi Bolat Baqauov. Foto: aşıq derekköz

Memlekettik qwrılımdar arasında wstaluı biraz qwpiyalanıp, artınan belgili bolğan Pavlodar oblısınıñ äkimi Bolat Baqauov eki ayğa qamauğa alındı. Şeşim Pavlodar oblıstıq mamandandırılğan tergeu sotında qabıldandı.

«Baqauovtı eki ayğa qamauğa alu şarası sankciyalansın. Qamauda wstau merzimi wstalğan uaqıtınan bastap eseptelsin», - dedi mäjilis barısında sud'ya Baltabay Dünbekbaev.

Bolat Baqauov Qılmıstıq kodekstiñ 362-babı 4-böligi 3-tarmağı boyınşa qılmıs jasadı degen ayıppen küdikke ilinip otır.

Atalmış baptar özine jäne özge azamattar men wyım üşin payda tabu maqsatında qızmettik ökilettigin asıra paydalanu degendi bildiredi. Mwnday qılmıs jasağanı üşin mal-mülki tärkilenip, 5-ten 10 jılğa deyin sottaladı jäne qanday da bir lauazımdı atqaruğa tıyım salınadı.

Prokuror Rustam Säduaqasov sottan Bolat Baqauovtı eki ayğa nemese 16 naurızğa deyin qamauda wstaudı swradı. Sebebi oblıstıñ eks-äkimi bostandıqta jazadan qaşıp ketui nemese tergeu jwmıstarına kedergi keltirui mümkin. Al Bolat Baqauov özine tağılıp otırğan ayıppen kelispeytinin aytqan.

Bwğan deyin QR WQK Pavlodar oblısınıñ äkimi Bolat Baqauovqa qatıstı qılmıstıq is qozğağanın habarlağan bolatın.

"The Qazaq Times"