مەملەكەتتىك قۇرىلىمدار اراسىندا ۇستالۋى ءبىراز قۇپيالانىپ، ارتىنان بەلگىلى بولعان پاۆلودار وبلىسىنىڭ اكىمى بولات باقاۋوۆ ەكى ايعا قاماۋعا الىندى. شەشىم پاۆلودار وبلىستىق مامانداندىرىلعان تەرگەۋ سوتىندا قابىلداندى.
«باقاۋوۆتى ەكى ايعا قاماۋعا الۋ شاراسى سانكتسيالانسىن. قاماۋدا ۇستاۋ مەرزىمى ۇستالعان ۋاقىتىنان باستاپ ەسەپتەلسىن»، - دەدى ءماجىلىس بارىسىندا سۋديا بالتاباي دۇنبەكباەۆ.
بولات باقاۋوۆ قىلمىستىق كودەكستىڭ 362-بابى 4-بولىگى 3-تارماعى بويىنشا قىلمىس جاسادى دەگەن ايىپپەن كۇدىككە ءىلىنىپ وتىر.
اتالمىش باپتار وزىنە جانە وزگە ازاماتتار مەن ۇيىم ءۇشىن پايدا تابۋ ماقساتىندا قىزمەتتىك وكىلەتتىگىن اسىرا پايدالانۋ دەگەندى بىلدىرەدى. مۇنداي قىلمىس جاساعانى ءۇشىن مال-مۇلكى تاركىلەنىپ، 5-تەن 10 جىلعا دەيىن سوتتالادى جانە قانداي دا ءبىر لاۋازىمدى اتقارۋعا تىيىم سالىنادى.
پروكۋرور رۋستام سادۋاقاسوۆ سوتتان بولات باقاۋوۆتى ەكى ايعا نەمەسە 16 ناۋرىزعا دەيىن قاماۋدا ۇستاۋدى سۇرادى. سەبەبى وبلىستىڭ ەكس-اكىمى بوستاندىقتا جازادان قاشىپ كەتۋى نەمەسە تەرگەۋ جۇمىستارىنا كەدەرگى كەلتىرۋى مۇمكىن. ال بولات باقاۋوۆ وزىنە تاعىلىپ وتىرعان ايىپپەن كەلىسپەيتىنىن ايتقان.
بۇعان دەيىن قر ۇقك پاۆلودار وبلىسىنىڭ اكىمى بولات باقاۋوۆقا قاتىستى قىلمىستىق ءىس قوزعاعانىن حابارلاعان بولاتىن.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى