Bolat Baqauov. Foto: pavlodar.gov.kz

Prezident Qasım-Jomart Toqaevtıñ Jarlığımen «atışulı äkim» Bolat Baqauov Pavlodar oblısınıñ äkimi qızmetinen bosatıldı. Bwl turalı Aqordanıñ saytında jariyalandı.

Büginnen bastap Äbilqayır Sqaqov Pavlodar oblısı äkiminiñ qızmetine tağayındaldı.

Osığan deyin QR WQK Pavlodar oblısınıñ äkimi Bolat Baqauovqa qatıstı qılmıstıq is qozğağanın habarlağan bolatın. Baqauov Qılmıstıq kodekstiñ 362-babı 4-böligi 3-tarmağı boyınşa qılmıs jasadı degen ayıppen küdikke ilinip otır. Atalmış baptar özine jäne özge azamattar men wyım üşin payda tabu maqsatında qızmettik ökilettigin asıra paydalanu degendi bildiredi. Mwnday qılmıs jasağanı üşin mal-mülki tärkilenip, 5-ten 10 jılğa deyin sottaladı jäne qanday da bir lauazımdı atqaruğa tıyım salınadı.

Sot procesi kezinde Baqauov isi turalı egjey-tegjeyli bayandaldı. Memlekettik ayıptaudıñ aytuınşa, 2019 jıldıñ jeltoqsanında oblıs äkimine JŞS-ni tekseru kezinde salıqtıq zañnamalardıñ bwzılğanı anıqtalıp, 200 million teñgeden asa salıqtıñ alınuı men salıq töleuden maqsattı türde bwltarğanına qatıstı sotqa deyingi tergeudiñ bastalğanı turalı aqparat jetedi.

«Bolat Baqauov «AksuTransLogistic» JŞS-niñ iesi bolıp tabılatın öz tuısınıñ müddesi üşin, yağni, basqa jeke twlğanıñ paydası üşin birneşe märte zañsız türde özine berilgen qwqıq pen qwzıretti asıra paydalanıp, Pavlodar oblıstıq MKD-niñ jauaptı twlğalarınan şınayı qorıtındını jasırıp, artıq alınğan somanı 3-5 million teñgege deyin azaytıp körsetudi talap etken», – dedi Memlekettik ayıptauşı.

"The Qazaq Times"