AQŞ-tıñ memlekettik hatşısı Mayk Pompeo. Foto: https://gdb.voanews.com

AQŞ-tıñ memlekettik hatşısı Mayk Pompeo Amerika men Iran mäselesine baylanıstı Qazaqstanğa saparın keyinge qaldırdı.

Memlekettik departamenttiñ saytında jariyalanğan habarlamada: «Mayk Pompeo Ukraina, Belarus', Qazaqstan, Özbekstan jäne Kiprğa josparlağan saparın keyinge qaldıruğa mäjbür. Öytkeni ol Vaşingtonda boluı kerek, Iraktağı jağdaydı baqılap, Tayau Şığıstağı amerikalıqtardıñ qauipsizdigin qamtamasız etu tiis»,  – delingen.

Pompeo Qazaqstanğa qañtardıñ basında keludi josparlağan edi. Memlekettik hatşı respublika prezidentimen kezdesip, sayasi, ekonomikalıq jäne mädeni-gumanitarlıq ıntımaqtastıq mäselelerin talqılaudı josparlağan.

31 jeltoqsanda AQŞ-tıñ Bağdattağı elşiligi aldında narazılıq şarası bolıp, şeruşilerdiñ aldı elşilik ğimaratına şabuıldağan. Amerika bwl narazılıqtıñ artında Iran twr dep esepteydi. Narazılıq AQŞ küşteriniñ Iraktağı jäne Süriyadağı şabuılında şiit mwsılmandarı qaza tapqanı turalı mälimet tarağan soñ twtanğan edi. 8 qañtarda Iran AQŞ-tıñ Iraktağı birqatar nısandarın zımıranmen atqıladı.

"The Qazaq Times"