Aqorda-Kitaphana jäne Aq üy basşıları. Körneki fotokollaj: KZ.Expert

AQŞ biligi Qazaqstannıñ Siriya men Iraktağı öz azamattarın repatriaciyalau boyınşa sayasatın joğarı bağalaydı. Bwl turalı Memlekettik departamenttiñ terrorizmge qarsı küres jönindegi üylestiruşisiniñ mindetin atqaruşı Djon Godfri mälimdedi.

Tayau Şığıstağı Vaşington institutı wyımdastırğan beynekonferenciyada Djon Godfri: «AQŞ köptegen elderdi Siriyağa ketken otandastarın elge qaytaruğa şaqırdı. Osı uaqıtqa deyin biz Siriya men Iraktan kämeletke tolmağan 16 balanı jäne 12 eresek azamattardı repatriaciyaladıq. Bwl eresekterdiñ onnan birine federaldı qılmıs jasadı degen ayıp tağıldı», – dedi ol.

Sonımen qatar Godfri Amerikanıñ birqatar elderge öz azamattarın qaytaruğa kömekteskenin jäne bwl rette Qazaqstannıñ köşbasşı memleket ekenin ayttı.

Astana kelissözi 2017 jılı qañtarda Resey prezidenti Vladimir Putinniñ wsınısı boyınşa bastalğan. Astanadağı Siriya beybit kelissözi Jenevadağı BWW bastamasımen aşılğan kelissözden bölek ötedi.

Kelissöz Siriyadağı azamat soğısın toqtatudı közdeydi. Bwğan deyin AQŞ Mäskeu men Damaskini Astanadağı kelissözden nätije şığara almay otır dep sınağan. AQŞ memlekettik departamentiniñ resmi ökili Hizer Noyert kelissözdi «fars» dep atağan. Al Qazaqstan sırtqı ister ministrligi Astana procesin «tiimdi» dep sanaydı.

2018 jılı AQŞ Memlekettik departamenti 29 qaraşada Resey men Iran Başar Asad biliginiñ BWW Qauipsizdik keñesiniñ qararında aytılğan sayasi proceske qatısuğa nieti joqtığın Astana procesi arqılı jasırıp-jauıp otır dep mälimdegen. Memlekettik departament mälimdemesinde Astanadağı soñğı kelissözge qatısuşılar Siriya konstituciyalıq komitetine kiretin müşeler tizimine kelise almağanı, yağni, Siriya dağdarısın sayasi jolmen retteude alğa ilgerilemegeni aytıladı.

"The Qazaq Times"