Tramp jaña atqaru erejesine qol qoydı. Foto: NBC

AQŞ prezidenti Donal'd Tramp 28 naurızdan bastap, bwrınğı prezident Obamanıñ klimat sayasatına «pışaq sermedi». AQŞ Habar taratu korporaciyasınıñ habarına qarağanda, AQŞ Qorşağan ortanı qorğau byurosınıñ bastığı Pryuitt swhbatında prezident Tramptıñ atqaru bwyrığına qol qoyarda, Obama ükimeti 2015 jılı jolğa qoyğan «Taza energiya bağdarlamasın» laqtırıp tastağanın ayttı. Onıñ aytuınşa aldınğı ükimet bekitken bwl bağdarlama Qwrama Ştattıñ önerkäsip tebininiñ artuına ajırğı boladı eken. Ol tağı klimat özgeristeriniñ aldın alu turalı «Parij kelisimi» bar bolğanı bir ğana naşar mämile, bwl AQŞ üşin teñsizdik dep bağalağan. Bwl turalı Sina.com habarlağan bolatın.

NBC arnası 28 naurız küngi habarda, Aq üydegi bir joğarı lauazımdınıñ pikirin taratıp, prezident Tramptıñ qorşağan ortanı qorğau turalı osıdan bwrınğı normativter AQŞ energetika balansın öndiru tebinin artıruğa äser etedi dep sanaytındığın körsetti. Birden bir ekonomikalıq faktor prezidenttiñ osı şeşimin şığaruğa äser etken delingen. Bwl lauazımdı twlğa öziniñ közqarasın: «Küşti ekonomikalıq tebin men qarqındı damu belgili bir deñgeyge jetkende güldenuge jetkizedi. Al güldenudiñ özi qorşağan ortanı qorğau bolıp tabıladı»,  – degen sözdermen bildirgen. Bwlar Tramp ükimetiniñ osığan deyingi ükimetter belgilep kele jatqan qorşağan ortanı qorğaudı damudan keyinge qoyğanın tüsindiredi.

«Amerika dauısı» basılımı bügin tañerteñ (AQŞ jergilikti uaqıtımen 28 naurız keşte), Tramptıñ jaña atqaruşılıq tärtibi şın mänisinde Obama ükimeti belgilep ketken orta qorğau erejelerin joyatını turalı arnaulı maqala jariyaladı. Tramp ükimeti qazba baylıqtar arqılı energiya resurstarımen Amerikanı qamtamasız etu arqılı, damuğa tebin beruge basa nazar audarıp otır. Älemdegi eñ damığan eldiñ qorşağan ortanı qorğau turalı erejelerdi qayırıp qoyıp, jedel damudı maqsat etui twtas älemge oğaş seziletini anıq. Onsızda älemdegi 35 payız resursta bir ğana amerikalıqtardıñ twtınuına ketedi. Bwl aldağı uaqıttağı BWW jäne älem elderiniñ damu bağıtına äser etpey qoymaydı.

Amerika Qwrama Ştattarında mol qazba energiya qorı bar ekeni belgili. Qazba energiyanı damıtu el azamattarın jwmıspen qamtuğa da mol paydasın tigizetini de anıq. Sonımen birge energetikalıq şığındar men sırtqa täueldilikti de seyiltuge boladı. El halqı da mwnday damu josparına qwba-qwp degeli twr. Alayda, Tramp ükimetiniñ AQŞ-tıñ bwdan bwrınğı jürisinen jañılıp, barlıq jaqtarda tıñ bastama qozğap, ekonomika jäne äskeri quat jağınan tıñ damuğa wmtıluında qanday maqsattıñ barlığı belgisiz?!

“The Qazaq Times”