ترامپ وبامانىڭ ورتا قورعاۋ ساياساتىن لاقتىرىپ تاستاپ، جاڭا ساياسات ورناتتى

اقش پرەزيدەنتى دونالد ترامپ 28 ناۋرىزدان باستاپ، بۇرىنعى پرەزيدەنت وبامانىڭ كليمات ساياساتىنا «پىشاق سەرمەدى». اقش حابار تاراتۋ كورپوراتسياسىنىڭ حابارىنا قاراعاندا، اقش قورشاعان ورتانى قورعاۋ بيۋروسىنىڭ باستىعى پريۋيتت سۇحباتىندا پرەزيدەنت ترامپتىڭ اتقارۋ بۇيرىعىنا قول قوياردا، وباما ۇكىمەتى 2015 جىلى جولعا قويعان «تازا ەنەرگيا باعدارلاماسىن» لاقتىرىپ تاستاعانىن ايتتى. ونىڭ ايتۋىنشا الدىنعى ۇكىمەت بەكىتكەن بۇل باعدارلاما قۇراما شتاتتىڭ ونەركاسىپ تەبىنىنىڭ ارتۋىنا اجىرعى بولادى ەكەن. ول تاعى كليمات وزگەرىستەرىنىڭ الدىن الۋ تۋرالى «پاريج كەلىسىمى» بار بولعانى ءبىر عانا ناشار مامىلە، بۇل اقش ءۇشىن تەڭسىزدىك دەپ باعالاعان. بۇل تۋرالى Sina.com حابارلاعان بولاتىن.

NBC ارناسى 28 ناۋرىز كۇنگى حاباردا، اق ۇيدەگى ءبىر جوعارى لاۋازىمدىنىڭ پىكىرىن تاراتىپ، پرەزيدەنت ترامپتىڭ قورشاعان ورتانى قورعاۋ تۋرالى وسىدان بۇرىنعى نورماتيۆتەر اقش ەنەرگەتيكا بالانسىن ءوندىرۋ تەبىنىن ارتىرۋعا اسەر ەتەدى دەپ سانايتىندىعىن كورسەتتى. بىردەن ءبىر ەكونوميكالىق فاكتور پرەزيدەنتتىڭ وسى شەشىمىن شىعارۋعا اسەر ەتكەن دەلىنگەن. بۇل لاۋازىمدى تۇلعا ءوزىنىڭ كوزقاراسىن: «كۇشتى ەكونوميكالىق تەبىن مەن قارقىندى دامۋ بەلگىلى ءبىر دەڭگەيگە جەتكەندە گۇلدەنۋگە جەتكىزەدى. ال گۇلدەنۋدىڭ ءوزى قورشاعان ورتانى قورعاۋ بولىپ تابىلادى»،  – دەگەن سوزدەرمەن بىلدىرگەن. بۇلار ترامپ ۇكىمەتىنىڭ وسىعان دەيىنگى ۇكىمەتتەر بەلگىلەپ كەلە جاتقان قورشاعان ورتانى قورعاۋدى دامۋدان كەيىنگە قويعانىن تۇسىندىرەدى.

«امەريكا داۋىسى» باسىلىمى بۇگىن تاڭەرتەڭ (اقش جەرگىلىكتى ۋاقىتىمەن 28 ناۋرىز كەشتە), ترامپتىڭ جاڭا اتقارۋشىلىق ءتارتىبى شىن مانىسىندە وباما ۇكىمەتى بەلگىلەپ كەتكەن ورتا قورعاۋ ەرەجەلەرىن جوياتىنى تۋرالى ارناۋلى ماقالا جاريالادى. ترامپ ۇكىمەتى قازبا بايلىقتار ارقىلى ەنەرگيا رەسۋرستارىمەن امەريكانى قامتاماسىز ەتۋ ارقىلى، دامۋعا تەبىن بەرۋگە باسا نازار اۋدارىپ وتىر. الەمدەگى ەڭ دامىعان ەلدىڭ قورشاعان ورتانى قورعاۋ تۋرالى ەرەجەلەردى قايىرىپ قويىپ، جەدەل دامۋدى ماقسات ەتۋى تۇتاس الەمگە وعاش سەزىلەتىنى انىق. ونسىزدا الەمدەگى 35 پايىز رەسۋرستا ءبىر عانا امەريكالىقتاردىڭ تۇتىنۋىنا كەتەدى. بۇل الداعى ۋاقىتتاعى بۇۇ جانە الەم ەلدەرىنىڭ دامۋ باعىتىنا اسەر ەتپەي قويمايدى.

امەريكا قۇراما شتاتتارىندا مول قازبا ەنەرگيا قورى بار ەكەنى بەلگىلى. قازبا ەنەرگيانى دامىتۋ ەل ازاماتتارىن جۇمىسپەن قامتۋعا دا مول پايداسىن تيگىزەتىنى دە انىق. سونىمەن بىرگە ەنەرگەتيكالىق شىعىندار مەن سىرتقا تاۋەلدىلىكتى دە سەيىلتۋگە بولادى. ەل حالقى دا مۇنداي دامۋ جوسپارىنا قۇبا-قۇپ دەگەلى تۇر. الايدا، ترامپ ۇكىمەتىنىڭ اقش-تىڭ بۇدان بۇرىنعى جۇرىسىنەن جاڭىلىپ، بارلىق جاقتاردا تىڭ باستاما قوزعاپ، ەكونوميكا جانە اسكەري قۋات جاعىنان تىڭ دامۋعا ۇمتىلۋىندا قانداي ماقساتتىڭ بارلىعى بەلگىسىز؟!

“The Qazaq Times”