Qazaqstan prezidenti Qasım-Jomart Toqaev. 27 jeltoqsan 2019 jıl. Elorda. Foto: Aqorda

Memleket basşısı Qasım-Jomart Toqaev Almatı mañındağı wşaq apatına baylanıstı şwğıl keñeytilgen  keñes ötkizdi.

Aqorda rezidenciyasında prem'er-ministr, prezident äkimşiligi basşılığı, qauipsizdik keñesi hatşısınıñ, bas prokuror, WQK törağası, işki ister jäne aqparat ministrleri, densaulıq saqtau ministriniñ qatısuımen Almatı äuejayı mañındağı wşaq apatı jönindeşwğıl keñes ötti.

Aqordanıñ habarlauınşa, Toqaev Qazaqstan halqınıñ jäne jeke basınıñ atınan qaza bolğan azamattardıñ tuıstarı men jaqındarına köñil ayttı. Jiında qaytıs bolğandardı bir minut ünsizdikpen eske aldı.

Aqordadağı kezekten tıs keñes. 27 jeltoqsan 2019 jıl. Elorda. Foto: Aqorda

Prezident ükimet basşısı Asqar Maminniñ, bas prokuror Ğizat Nwrdäuletovtiñ, işki ister ministri Erlan Twrğımbaevtıñ jäne densaulıq saqtau ministri Eljan Birtanovtıñ esepterin tıñdadı.

Ol ükimetke Almatı qalası men Almatı oblısı äkimdikterimen birlesip qaza bolğan azamattardıñ otbasına 4 million teñge köleminde materialdıq kömek körsetudi tapsırdı. Marqwmdardıñ jaqındarına psihologiyalıq jäne medicinalıq qoldau körsetiledi. Sonımen qatar zardap şekkenderdiñ barlığına qajetti kömek berilmek.

28 jeltoqsandı jalpıwlttıq aza twtu küni dep jariyalağan prezident elimizdegi memlekettik tudı tüsiruge jäne barlıq oyın-sauıq şaraların toqtatuğa tapsırma berdi.

Memleket basşısı keñes barısında:

- Wşaq apatın tudırğan sebepterdi sapalı äri ob'ektivti türde tekseruge;
- Qazaqstannıñ aviaciyalıq äkimşiligi AQ bilikti mamandarmen qamtu jwmıstarın tolıq ayaqtau şaraların qabıldauğa;
- Qauipsizdik talaptarına säykestendiru üşin barlıq äue kompaniyalardıñ jwmısı men aviaciyalıq infraqwrılım nısanın tekseruge tapsırma berdi.

Bas prokuratura men işki ister ministrligine qozğalğan qılmıstıq is ayasında wşaq apatına soqtırğan sebepterdi anıqtau, kinälilerdi zañğa säykes jauapkerşilikke tartu, sonday-aq, Almatı äuejayınıñ aumağına jaqın jerdegi jeke qwrılıstardıñ zañdılığın zertteu jöninde tapsırma jüktedi.

"The Qazaq Times"