Derekter hronikası: Almatıdağı wşaq apatınıñ jay-japsarı

Bügin  tañerteñ sağat 7:22-de Bek Air wşağı Almatı äuejayınan bir şaqırım qaşıqtıqta Talğar audanına qarastı Güldala auılındağı iesiz eki qabattı üyge qwlağan. Jalpı 15 jolauşı qaza tapqan. 

• Sağat 9:28 şamasında azamattıq aviaciya komiteti ««Qazirgi uaqıtta anıqtalğan qaza tapqandar sanı – 7 adam. Ükimet basşısınıñ tapsırması boyınşa vice-rem'er basqaratın ükimettik komissiya qwrıldı. Komissiya qwramına investiciyalar jäne damu ministrliginiñ jäne basqa memlekettik organdardıñ ökilderi kiredi. Komissiya oqiğa ornına baradı. Apattıñ naqtı sebepteri anıqtalatın boladı»,– degen habar tarattı.

Bek Air wşağı wşu barısında tauğa qaray bwrılğanı turalı mälimet. Foto: Telegram jelisi

• Wşaq bortında 95 jolauşı jäne 5 ekipaj müşesi bolğanı turalı aqparat belgili boldı.
• Sağat 9:41-de respublikalıq tötenşe jağdaylar komiteti «osı uaqıtqa deyin wşaqtıñ apatınan 9 adam qaza taptı, sonımen qosa 9 adam zardap şekken, onıñ 6-auı bala» degen aqparat jariyaladı.

Wşaq apatqa wşırağan mañda jauaptı mekemeler jwmıs istep jatır. 27 jeltoqsan 2019 jıl. Foto: äleumettik jeli

• Däl sol uaqıtta, 9:42 ketkende memleket basşısı Qasım-Jomart Toqaev öziniñ tuitter parağında wşaq apatınınan qaza bolğandardıñ jaqındarı men tuıstarına köñil aytıp, zardap şekkenderge kömektesuge uäde berdi. Sonday-aq tötenşe jağdaydıñ sebep-saldarı tolıq anıqtalıp, jauaptılar qatañ jazağa tartılatının jazdı.

• 9:47 minut ötkende Almatı qalalıq äkimdigi zardap şekkender 4 qalalıq klinikalıq auruhana men balalarğa şwğıl medicinalıq kömek körsetu ortalığına jiberilgenin habarladı.
• 9:48 kezi. Bek Air äue kompaniyasınıñ veb-saytında jäne äleumettik jelilerdegi akkaunttarında apat jäne wşaqta bolğan jolauşılar tizimi turalı äli de eşbir aqparat  berilmedi.
• Azamattıq aviaciya komitetiniñ şeşimimen erteñgilik 9:50-de Fokker-100 modelegi wşaqtardıñıñ Qazaqstandağı reysteri toqtatıldı.
• Sağat 10:21 şamasında Almatı äkimdigi öziniñ telegramm arnasında Bek Air aviakompaniyasınıñ wşağınıñ apatqa wşırauı saldarınan 14 adamnıñ qaza tapqanı turalı habarladı. Al Ortalıq kommunikaciyalar qızmetinde ötken brifingte äkimdik ökili qaza tapqandar sanı 12 adamğa deyin köbeygenin mälimdedi.

Densaulıq saqtau ministri Birtanovtiñ atına joldanğan apat jönindegi aqparat berilgen qwjat äleumettik jelide tarap ketti. Foto: Telegram jelisi

• Tötenşe jağdaylar komiteti sağat 10:30 şamasında apattan köz jwmğan 7 adamnıñ esimin jariyaladı:

1. Astanov Nikolay 1971 jılı tuğan
2. Haydarov R., 1940 j.t.
3. Qaliev Bauırjan, 1974 j.t.
4. Käribaev Bazarhan, 1974 j.t.
5. Muratbaev Marat, 1961 j.t.
6. Nwrbaev Abay, 1982 j.t.
7. Isina A.

• 10:33 ötkende Almatı äkimdiginiñ habarlauınşa, jaralanğan 23 jolauşı qalalıq 4 auruhanağa jetkizilgen. Onıñ 8-i kämilet jasına tolmağan balalar men jasöspirimder. Tört ay jäne bir jastağı eki balanıñ esimderi äli belgisiz. Zardap şeguşiler sınıq, kontuziya, jabıq bas süyek-mi jaraqattarı ärtürli jağdayında qabıldanğan.

Äleumettik jelide tarağan zardap şekkender tizmi. Foto: Telegram jelisi

• 10:45-te İİM taratqan derek boyınşa, oqiğa ornında qwtqaru jwmıstarına 976 adam men 70 tehnika qwralı, 33 jedel järdem brigadası jwmıldırılğan.
• Kündiz 10:58-de zardap şeguşilerdiñ sanı 35-ke jetkeni, onıñ 22-siniñ jağdayı öte auır ekeni habarlandı. Oqiğa ornında 14 adamnıñ qaytıs bolğanı belgili boldı.
• Sağat 11:07 ötkende  investiciyalar jäne damu ministrligi apatqa wşırağan Bek Air äue kompaniyasınıñ wşağındağı 93 adamnıñ tizimin jariyaladı. 93 adamnıñ 3-eui bala jäne 5-eui ekipaj müşesi.
• Kündiz 10:58-de zardap şeguşilerdiñ sanı 35-ke jetkeni, onıñ 22-siniñ jağdayı öte auır ekeni habarlandı. Oqiğa ornında 14 adamnıñ qaytıs bolğanı belgili boldı.
• 11:09-da qoğamdıq ombudsmen Arujan Sain jäne densaulıq saqtau basqarması zardap şekken jolauşılarğa qan qwyuğa donor retinde eriktiler qajettigi turalı habarlandıru jasadı. Atalğan habarlandırudan keyin almatılıqtar jappay qan ortalığına ağıla bastadı.

Apattan zardap şekkenderge qan ötkizuge kelgen qala twrğındarı. 27 jeltoqsan 2019 jıl. Foto: äleumettik jeli

• 11:18 şamasında Qazaqstannıñ eks-prezidenti Nazarbaev jolauşılar wşağınıñ apatqa wşırauına baylanıstı köñil aytu jedelhatın joldadı.

«Almatı äuejayınan wşıp şıqqan «Bek Air» äue kompaniyası wşağınıñ apatqa wşırauı saldarınan qaza tapqandar men zardap şekkender jaylı habardı zor küyzelispen qabıldadım. Qayğığa ortaqtasa otırıp, qaza bolğandardıñ tuıstarı men jaqındarına köñil aytamın. Barlıq zardap şekkenderdiñ tezirek sauığıp ketuin tileymin», - delingen jedelhatta.

• Qala äkimdiginiñ baspasöz qızmetiniñ habarlauınşa, sağat 11:20 kezinde şahar basşısı Baqıtjan Sağıntaev wşaq apatqa wşırağan oqiğa ornına barıp, keyin zardap şekkender jetkizilgen üş qalalıq auruhanada bolğan.
• Investiciyalar jäne damu ministrliginiñ  baspasöz hatşısı Madiyar Uaqpaev sağat 11:35-te Bek Air äue kompaniyasınıñ qızmeti toqtatılğanın mälimdedi.
• 11:40 şamasında qalalıq densaulıq saqtau basqarması Tileuhan Äbildaevtiñ sözinşe, oqiğa ornında 14 adam, 4 auruhanada bir qız qaytıs bolğanı naqtılandı. Zardap şekken 12 adamnıñ jağdayı öte auır. Sonımen qatar 50 jolauşı auruhanağa jetkizilgendigi belgili boldı.
• Sağat 11:48 minut ötkende elorda äkimi Altay Kölginov tuitter parağında  auır apattan qaza tapqan jolauşılardıñ tuıstarına köñil ayttı.

"Äuejayda Krizistik ortalıq aşıldı,tötenşe jağdaylar departamentiniñ şwğıl äreket etu ştabı qwrıldı.Tel: 24-52-12, 24-51-71.Elorda äuejayında psihologiyalıq kömek körsetilude", – dedi ol.

• 12:09-da Informburo.kz aqparattıq platformasınıñ basşılığı apatqa wşırağan Bek Air wşağında jolauşılar qatarında belgili jurnalist jäne şığaruşı redaktor Dana Kruglova qaytıs bolğanı turalı suıt habar jetkizdi. Aqparat qwralınıñ bas redaktorı Mihail Dorofeev:

«Dana Kruglova nağız jurnalist bolatın. Onıñ maqalaları rezonans tudırıp, barlıq redakciya üşin ülgi bola bildi. Dana jıl basında şığaruşı redaktor bolıp, 1 jeltoqsanda zertteu-taldau bölimin basqaruğa kirisip edi. Dana adal, batıl, sonımen birge ob'ektivti, baysaldı boldı. Qaralı habar bärimiz üşin auır qayğı boldı», – dedi.

Dana Kruglova. Foto: Informburo.kz

Bizdiñ redakciya wjımı da oqıs jağdayda baqil bolğandarmen birge 35 jastağı äriptesimizdiñ otbası men jaqındarına qayğırıp, köñil aytamız.

• 12:21-de İİM baspasöz qızmeti "Adamdardıñ ölimine qatıstı İİM sotqa deyingi tergeu şaraların QR Qılmıstıq kodeksiniñ 344-babı ("Temirjol, äue, teñiz nemese özen köligi jürisi nemese olardı paydalanu qauipsizdigi qağidaların bwzu") boyınşa jürgizip jatır",  – degen habar tarattı.
• Tüske tayau 12:26 şamasında Bek Air äue kompaniyası jasağan arnayı mälimdeme jariyalandı. Kompaniya saytında:

"Qwrmetti qazaqstandıqtar! Qayğılı jağdayğa baylanıstı Bek Air kompaniyası atınan köñil aytamız. Qazirgi uaqıtta biz oqiğa ornında jwmıs istep jatqandardan resmi mälimet kütip otırmız. Sizderden anonim habarlamalarğa nazar audarmaularıñızdı swraymın, sebebi olar alayaqtıq maqsatta taraluı mümkin. Ötiniş, resmi aqparat kütiñizder", – delingen.

• Investiciyalar jäne damu ministrliginiñ baspasöz qızmeti 12:28-de apatqa wşırağan Bek Air wşağınıñ ekipaj müşeleri turalı habarladı. Äue kemesiniñ kapitanı – Mwratbaev Marat Ğaniwlı, 1961 jılı 7 naurızda tuğan. ATPL kapitanınıñ №000179 kuäligi, 2024 jıldıñ 26 ​​säuirine deyin jaramdı. Ekinşi pilot – Moldakwlov Meyirjan Ğaynullawlı, 1965 jılı 4 mamırda tuğan. ATPL №000796 sertifikatı, 2022 jıldıñ 6 naurızına deyin jaramdı. Bort jolserikteri: Valiulina M., Sahov M.A., Osmanov R.D. bolğan.
• 12:35 ötkende Almatı qalası tötenşe jağdaylar departamenti bastığınıñ orınbasarı Erlan Älibekov äuejayda ötken brifingte oqiğa ornındağı qwtqaru jwmıstarınıñ ayaqtalğanın aytıp, wşaqta eşkim qalmağanın jetkizdi.
• Tüste, naqtıraq aytqanda sağat 12:50-de memleket basşısı Toqaev Almatı mañında wşaq apatınan adamdardıñ qaza boluına baylanıstı 27 jeltoqsan "jalpıwlttıq aza twtu küni" dep jariyaladı.

Prezident toqaevtıñ baspasöz hatşısı Berik Uäli taratqan habar. 27 jeltoqsan 2019 jıl. Foto: Facebook jelisi

• Qazaqstannıñ tötenşe jağday komiteti 13:09-da atı-jöni anıqtalğan 12 marqwmnıñ tizimin jariyaladı:
  1. Muratbaev Marat Ganieviç, 1962 jılı tuğan, aviaciyalıq komandir
  2. Astaşov Nikolay Andreeviç, 1971 j.t.
  3. Qaydarov Rustam Esimhanwlı, 1940 j.t.
  4. Qaliev Bauırjan Serikwlı, 1974 j.t.
  5. Käribaeva Bazarhan, 1951 jılı tuğan
  6. Isina Arşat
  7. Nwrbekov Abay Jauğaştaywlı, 1986 j.t.
  8. Amanjol Saniya
  9. Kruglova Dana Arıstanbayqızı, 1984 j.t., äuejayda
  10. Tumatov Qayırhan Idiqanbekwlı, 1955 j.t., äuejayda
  11. Ospanova Imina Fatievna, 1963 j.t., auruhanada
  12. Anufriev Valeriy, auruhanada qaytıs boldı.
• Tüste 13:15-te işki ister ministrligi taratqan mälimet boyınşa, apatqa wşırağan Bek Air wşağında 4 şetel azamatı bolğan. Onıñ ekeui Ukraina azamatı, sonımen qatar Qırğızstan men Qıtay azamattarı körinedi.
• Sağat 13:28 minut ötkende Almatı qalalıq №4 klinikalıq auruhanasınıñ bas därigeri mindetin atqaruşı Ayman Bayswltanova 19 adamnıñ segizi reanimaciya böliminde jatqanın habarladı. Ol:

- 11 adam auruhanağa öte auır jağdayda jetkizildi. Olar reanimaciya bölimine jatqızıldı. Qazirgi kezde 6 operaciya jasaldı. 8 nauqas reanimaciya böliminde jatır. Eki adam köz jwmdı. Tuıstarına habar berildi. Qaza bolğandardıñ otbasına köñil aytamız, – dedi.

• Vice-prem'er Roman Sklyar 14:00-de wşaq apatınıñ boljaldı sebebi – tehnikalıq aqau jäne wşqıştıñ qatesi dep mälimdedi.
• Sağat 14:37 ötkende Putin Toqaevqa köñil aytu jedelhatın joldadı.«Jaqındarınan ayırılğan adamdardıñ qayğılarına ortaqtasamız jäne barlıq zardap şekkenderdiñ tezirek sauığıp ketuine tilektespiz», – delingen.
• Tüs aua 15:00-de Qırğızstan prezidenti Sooronbay Jeenbekov «Qırğız Respublikasınıñ jäne öz atımnan qaza tapqandardıñ jaqındarı men tuıstarına köñil aytamın, qayğığa ortaqpız. Zardap şekkenderdiñ tez jazılıp ketuine tilektespiz» dep, köñil ayttı.
• Memleket basşısı Qasım-Jomart Toqaev  Aqordada Almatı mañındağı wşaq apatına baylanıstı şwğıl keñeytilgen  keñes ötkizdi. Wşaq apatınıñ sebepterin egjey-tegjeyli anıqtau jöninde jäne qaza tapqandardıñ ärqaysısına 4 million teñgeden qoldau tölemi beriletini turalı naqtı tapsırmalar berdi.

Aqordadağı kezekten tıs keñes. 27 jeltoqsan 2019 jıl. Elorda. Foto: Aqorda

"The Qazaq Times"