«Bek Air» halıqaralıq auditten ötuden birneşe märte bas tartqan

«Bek Air» küni büginge deyin halıqaralıq auditten ötuden birneşe märte bas tartqan. Ötken aptada orın alğan apattan keyin QR Industriya jäne infraqwrılımdıq damu ministrligi Qazaqstan azamattarına «Bek Air» kompaniyasınıñ wşaqtarına bilet almauğa keñes berdi.

Ministrliktiñ Telegram paraqşasındağı habarlamasında: «Bek Air» äue kompaniyasınıñ ekspluatant sertifikatınıñ belgisiz merzimge toqtatıluına baylanıstı azamattarğa atalğan äue kompaniyasınıñ reysterine biletter satıp almauğa keñes beriledi», – delingen.

27 jeltoqsan sağat 7:22-de Bek Air wşağı Almatı äuejayınan bir şaqırım qaşıqtıqta Talğar audanına qarastı Güldala auılındağı iesiz eki qabattı üyge qwlap, saldarınan 15 jolauşı qaza tapqan. Oqiğadan keyin prezident Qasım-Jomart Toqaev  Aqordada Almatı mañındağı wşaq apatına baylanıstı şwğıl keñeytilgen  keñes ötkizip, wşaq apatınıñ sebepterin egjey-tegjeyli anıqtau jöninde jäne qaza tapqandardıñ ärqaysısına 4 million teñgeden qoldau tölemi beriletini turalı tapsırmalar berdi.

Ayta keter jayt,  «Bek Air» halıqaralıq auditten ötuden bas tartqan Qazaqstandağı jalğız äue kompaniyası bolatın. 2016 jılı halıqaralıq wyımnıñ qauipsizdikke qatıstı tekseruinen ötkisi kelmegen äue kompaniyasınıñ basşılığın «Atameken» WKP qoldağanı belgili.

"The Qazaq Times"