«Nazarbaevsız Qazaqstan»: Almatıda jüzdegen azamat sankciyalanbağan şeruge şıqtı

Bügin, jeltoqsannıñ 16-ı Almatıda Qazaqstannıñ birqatar qalasında 1986 jılğı Jeltoqsan men 2011 jılı Jañaözende oqiğalarınıñ qwrbandarın eske aluğa jinalğandar bilikti tarihtan sabaq aluğa şaqırıp, sayasi talaptar köterdi.

 Bügin 1986 jılğı Almatıdağı Jeltoqsan oqiğasında jäne 2011 jılı Jañaözen qalasında policiyanıñ halıqqa oq atuınan qwrban bolğandardı eske aluğa jinaldı.   Resmi mereke küni tañerteñ Sätpaev jäne Jeltoqsan köşeleriniñ qiılısındağı «Täuelsizdik tañı» eskertkişiniñ aldına jinalğandar «30 jıl bos sözdi tıñdap şarşadıq, ömirdi jaqsartudı talap etemiz!», «Sayasi twtqındar bosatılsın!» dep talap qoydı.

Osı twsta Respublika alañındağı Täuelsizdik eskertkişine gül qoyuğa bir top kisi keldi. Olardıñ arasında Demokratiyalıq partiya qwru turalı bastamaşıl toptıñ müşeleri – belsendi Janbolat Mamay men Qauipsizdik keñesiniñ bwrınğı hatşısı Tölegen Jükeev boldı. Olar bwğan deyin jariyalağan mälimdemelerin qaytalap, bilikti Şıñjañnan kelip, Qazaqstannan pana swrağan eki etnikalıq qazaq – Qaster Mwsahanwlı men Mwrager Älimwlın Qıtayğa bermeuge şaqırdı. Memlekettik şekaranı zañsız kesip ötken degen ayıp tağılğan ekeui qazir Şığıs Qazaqstan oblısında tergeu izolyatorında qamauda otır.

Arada birşama uaqıt ötkende Täuelsizdik monumentiniñ tübinde «Oyan, Qazaqstan» azamattıq qozğalısınıñ belsendileri keldi. Olar «Wmıtılmas 1986, 2011», «Avtoritarizmnen köktemge», «Jastarğa jol beriñizder», «Parlamenttik respublika» degen jazuı bar bannerler wstap twrdı. Elde sayasi reformalar jürgizuge jäne prezidenttik bilik türinen parlamenttik basqaruğa köşuge şaqırıp jürgen jastar «Oyan, Qazaqstan!», «Nazarbaevsız Qazaqstan» dep ayğayladı.

– Biz bügin ädiletsizdikke, rejimniñ tirandığına qarsı küresuge şıqtıq. Jañaözende jwmısşılardı atqan kezde qwrban bolğandardı wmıtqan joqpız... Biz elimizde eşkim sayasi közqarasına bola qudalanbauı üşin küresuge äzirmiz. Şınayı täuelsiz bolatın kün keletinine senemiz, – dedi «Oyan, Qazaqstan» akciyasında söylegenderdiñ biri.

Qarsılıq akciyası ötip jatqan jerge kelgen äkimdik ökilderi bwl akciya jergilikti biliktiñ rwqsatınsız ötip jatqandıqtan zañsız bolıp sanalatının eskertip, jwrttıñ tarauı swradı. Jinalğandar bwğan jauap retinde «Oyan, Qazaqstan!» dep wrandastı.

Azamattıq qozğalıs belsendisi Äsem Japişeva Azattıqtıñ swrağına bergen jauabında, basqa zañdardan biik twrğan Qazaqstan Konstituciyasında azamattarğa beybit jiın ötkizu bostandığına kepildik berilgendikten, qozğalıs miting ötkizuge rwqsat swraudı qajet dep tappağanın ayttı.

Bwdan özge qalanıñ basqa böliginde, naqtıraq aytqanda Jeltoqsan-Qarasay batır köşeleriniñ qiılısında «Bärine kinäli Nazarbaev», «Qıtay ekspansiyasına qarsı», «Sayasi twtqındardı bosatu» bastaması kötergen birqatar belsendi wstalğanı habarlandı.

"The Qazaq Times"