«نازارباەۆسىز قازاقستان»: الماتىدا جۇزدەگەن ازامات سانكتسيالانباعان شەرۋگە شىقتى

بۇگىن، جەلتوقساننىڭ 16-ى الماتىدا قازاقستاننىڭ بىرقاتار قالاسىندا 1986 جىلعى جەلتوقسان مەن 2011 جىلى جاڭاوزەندە وقيعالارىنىڭ قۇرباندارىن ەسكە الۋعا جينالعاندار بيلىكتى تاريحتان ساباق الۋعا شاقىرىپ، ساياسي تالاپتار كوتەردى.

 بۇگىن 1986 جىلعى الماتىداعى جەلتوقسان وقيعاسىندا جانە 2011 جىلى جاڭاوزەن قالاسىندا پوليتسيانىڭ حالىققا وق اتۋىنان قۇربان بولعانداردى ەسكە الۋعا جينالدى.   رەسمي مەرەكە كۇنى تاڭەرتەڭ ساتپاەۆ جانە جەلتوقسان كوشەلەرىنىڭ قيىلىسىنداعى «تاۋەلسىزدىك تاڭى» ەسكەرتكىشىنىڭ الدىنا جينالعاندار «30 جىل بوس ءسوزدى تىڭداپ شارشادىق، ءومىردى جاقسارتۋدى تالاپ ەتەمىز!»، «ساياسي تۇتقىندار بوساتىلسىن!» دەپ تالاپ قويدى.

وسى تۇستا رەسپۋبليكا الاڭىنداعى تاۋەلسىزدىك ەسكەرتكىشىنە گۇل قويۋعا ءبىر توپ كىسى كەلدى. ولاردىڭ اراسىندا دەموكراتيالىق پارتيا قۇرۋ تۋرالى باستاماشىل توپتىڭ مۇشەلەرى – بەلسەندى جانبولات ماماي مەن قاۋىپسىزدىك كەڭەسىنىڭ بۇرىنعى حاتشىسى تولەگەن جۇكەەۆ بولدى. ولار بۇعان دەيىن جاريالاعان مالىمدەمەلەرىن قايتالاپ، بيلىكتى شىڭجاڭنان كەلىپ، قازاقستاننان پانا سۇراعان ەكى ەتنيكالىق قازاق – قاستەر مۇساحانۇلى مەن مۇراگەر ءالىمۇلىن قىتايعا بەرمەۋگە شاقىردى. مەملەكەتتىك شەكارانى زاڭسىز كەسىپ وتكەن دەگەن ايىپ تاعىلعان ەكەۋى قازىر شىعىس قازاقستان وبلىسىندا تەرگەۋ يزولياتورىندا قاماۋدا وتىر.

ارادا ءبىرشاما ۋاقىت وتكەندە تاۋەلسىزدىك مونۋمەنتىنىڭ تۇبىندە «Oyan, Qazaqstan» ازاماتتىق قوزعالىسىنىڭ بەلسەندىلەرى كەلدى. ولار «ۇمىتىلماس 1986, 2011»، «اۆتوريتاريزمنەن كوكتەمگە»، «جاستارعا جول بەرىڭىزدەر»، «پارلامەنتتىك رەسپۋبليكا» دەگەن جازۋى بار باننەرلەر ۇستاپ تۇردى. ەلدە ساياسي رەفورمالار جۇرگىزۋگە جانە پرەزيدەنتتىك بيلىك تۇرىنەن پارلامەنتتىك باسقارۋعا كوشۋگە شاقىرىپ جۇرگەن جاستار «ويان، قازاقستان!»، «نازارباەۆسىز قازاقستان» دەپ ايعايلادى.

– ءبىز بۇگىن ادىلەتسىزدىككە، رەجيمنىڭ تيراندىعىنا قارسى كۇرەسۋگە شىقتىق. جاڭاوزەندە جۇمىسشىلاردى اتقان كەزدە قۇربان بولعانداردى ۇمىتقان جوقپىز... ءبىز ەلىمىزدە ەشكىم ساياسي كوزقاراسىنا بولا قۋدالانباۋى ءۇشىن كۇرەسۋگە ءازىرمىز. شىنايى تاۋەلسىز بولاتىن كۇن كەلەتىنىنە سەنەمىز، – دەدى «Oyan, Qazaqstan» اكتسياسىندا سويلەگەندەردىڭ ءبىرى.

قارسىلىق اكتسياسى ءوتىپ جاتقان جەرگە كەلگەن اكىمدىك وكىلدەرى بۇل اكتسيا جەرگىلىكتى بيلىكتىڭ رۇقساتىنسىز ءوتىپ جاتقاندىقتان زاڭسىز بولىپ سانالاتىنىن ەسكەرتىپ، جۇرتتىڭ تاراۋى سۇرادى. جينالعاندار بۇعان جاۋاپ رەتىندە «ويان، قازاقستان!» دەپ ۇرانداستى.

ازاماتتىق قوزعالىس بەلسەندىسى اسەم جاپيشەۆا ازاتتىقتىڭ سۇراعىنا بەرگەن جاۋابىندا، باسقا زاڭداردان بيىك تۇرعان قازاقستان كونستيتۋتسياسىندا ازاماتتارعا بەيبىت جيىن وتكىزۋ بوستاندىعىنا كەپىلدىك بەرىلگەندىكتەن، قوزعالىس ميتينگ وتكىزۋگە رۇقسات سۇراۋدى قاجەت دەپ تاپپاعانىن ايتتى.

بۇدان وزگە قالانىڭ باسقا بولىگىندە، ناقتىراق ايتقاندا جەلتوقسان-قاراساي باتىر كوشەلەرىنىڭ قيىلىسىندا «بارىنە كىنالى نازارباەۆ»، «قىتاي ەكسپانسياسىنا قارسى»، «ساياسي تۇتقىنداردى بوساتۋ» باستاماسى كوتەرگەن بىرقاتار بەلسەندى ۇستالعانى حابارلاندى.

"The Qazaq Times"