AQŞ prezidenti Donal'd Tramp jäne Qazaqstan prezidenti Qasım-Jomart Toqaev. Foto: https://tengrinews.kz

Täuelsizdik künine oray Qazaqstan prezidenti Qasım-Jomart Toqaevtıñ atına birqatar şet memleketterden qwttıqtau hattar men jedelhattar kelip tüsti. Bwl turalı resmi Aqorda saytında jariyalandı.

Qwttıqtau hattı alğaşqılardıñ biri bolıp AQŞ prezidenti joldağan. Donal'd Tramptıñ qwttıqtau hatında: «Berik seriktestigimizdiñ arqasında soñğı 12 ay işindegi qol jetkizgen jarqın jetistikterimizdi zor quanışpen atap ötkim keledi. Bizdiñ yadrolıq qarudı taratpaudan bastap terrorizmge qarsı küreske deyingi mäselelerdi şeşu isindegi ıntımaqtastığımız älemdi edäuir qauipsiz äri twraqtı etti», – delingen. Sonımen qatar, Tramp Qasım-Jomart Toqaevtıñ Qazaqstan prezidenti retinde Täuelsizdik merekesin alğaş atap ötip otırğanın aytıp: «Amerika Qwrama Ştattarı sizben jäne Qazaqstan halqımen jemisti jwmıs isteuge dayın. Sizdiñ küş-jigeriñizdiñ arqasında Qazaqstannıñ bolaşağı jarqın äri tabıstı boladı dep senemin», – degen.

Osı sarında hat jibergen basşılar qatarında Australiya Odağınıñ General-Gubernatorı Devid Herli, Ündistan prezidenti Ram Nat Kovind, Ispaniya Koroli Felipe, Singapur Respublikasınıñ prezidenti Halima YAkob jäne Avstriya prezidenti Aleksandr Van der Bellen de bar.

"The Qazaq Times"