تاۋەلسىزدىك كۇنىنە وراي قازاقستان پرەزيدەنتى قاسىم-جومارت توقاەۆتىڭ اتىنا بىرقاتار شەت مەملەكەتتەردەن قۇتتىقتاۋ حاتتار مەن جەدەلحاتتار كەلىپ ءتۇستى. بۇل تۋرالى رەسمي اقوردا سايتىندا جاريالاندى.
قۇتتىقتاۋ حاتتى العاشقىلاردىڭ ءبىرى بولىپ اقش پرەزيدەنتى جولداعان. دونالد ترامپتىڭ قۇتتىقتاۋ حاتىندا: «بەرىك سەرىكتەستىگىمىزدىڭ ارقاسىندا سوڭعى 12 اي ىشىندەگى قول جەتكىزگەن جارقىن جەتىستىكتەرىمىزدى زور قۋانىشپەن اتاپ وتكىم كەلەدى. ءبىزدىڭ يادرولىق قارۋدى تاراتپاۋدان باستاپ تەرروريزمگە قارسى كۇرەسكە دەيىنگى ماسەلەلەردى شەشۋ ىسىندەگى ىنتىماقتاستىعىمىز الەمدى ەداۋىر قاۋىپسىز ءارى تۇراقتى ەتتى»، – دەلىنگەن. سونىمەن قاتار، ترامپ قاسىم-جومارت توقاەۆتىڭ قازاقستان پرەزيدەنتى رەتىندە تاۋەلسىزدىك مەرەكەسىن العاش اتاپ ءوتىپ وتىرعانىن ايتىپ: «امەريكا قۇراما شتاتتارى سىزبەن جانە قازاقستان حالقىمەن جەمىستى جۇمىس ىستەۋگە دايىن. ءسىزدىڭ كۇش-جىگەرىڭىزدىڭ ارقاسىندا قازاقستاننىڭ بولاشاعى جارقىن ءارى تابىستى بولادى دەپ سەنەمىن»، – دەگەن.
وسى سارىندا حات جىبەرگەن باسشىلار قاتارىندا اۋستراليا وداعىنىڭ گەنەرال-گۋبەرناتورى دەۆيد حەرلي، ءۇندىستان پرەزيدەنتى رام نات كوۆيند، يسپانيا كورولى فەليپە، سينگاپۋر رەسپۋبليكاسىنىڭ پرەزيدەنتى حاليما ياكوب جانە اۆستريا پرەزيدەنتى الەكساندر ۆان دەر بەللەن دە بار.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟