Jobanıñ qortındı otırısı. Foto: "Adırna"

Almatı qalası Qoğamdıq damu basqarmasınıñ tikeley qoldauındağı qandastar mäselesinne bağıttalğan «Otan – ottan da ıstıq» attı joba öz märesine jetti. Joba qortındısı büign, 5 jeltoqsan küni Almatı qalasındağı «Jastar ortalığında» «Är qazaq meniñ jalğızım» taqırıbımen ötkizildi. Qortındı jinalısqa şetelderden kelgen ondağan jas qatısıp, joba turalı jäne jalpı qandastar mäselesine qatıstı pikirlerin bölisti.

«Adırna» wlttıq-etnografiyalıq birlestigi jağınan qolğa alınğan joba qatarınan eki jıl tabıstı jürgizilgeni belgili. Jobanı Almatı qalası äkimdigi Qoğamdıq damu basqarması tikeley qoldağandıqtan, Almatı qalası boyınşa qandastardıñ qwjattıq jäne qwqıqtıq mäselelerindegi köptegen jwmıstardı atqarğan bolatın.

Joba jetekşisi qortındısın jasadı. Foto: Adırna

Qortındı otırısta atalğan jobanıñ jetekşisi Qwrmetolla Mwhammedhanwlı jıl boyı qandastar mäselesi boyınşa naqtı jwmıstarmen aynalısqan jobanı tipti de tolıqtıra tüsuge bolatının ayta kelip, öziniñ birqatar naqtı wsınıstarın da ortağa saldı. Aytalıq, jobanı qwqıqtıq sauattılıq taqırıbındağı kezdesulerden mazmwnı keñirek mädeni şaralarğa qaray keñeytu; oqıtu kurstarınıñ merzimin wzartu; tabıstı jobanı  aldağı jıldarda da tipti de jüyeli jalğastıru qatarlı wsınıstarın ayttı.

Jiın soñında «Otan – ottan da ıstıq» jobasına qoldau körsetken wyımdar men jekelerge alğıs hattar men marapattar tabıstaldı.

Ayta ketu kerek, täuelsiz közqaras ökilderi jağınan atalğan jobanıñ tabıstı täjribesin eskere otırıp, jobanı Almatı qalasınan tıs, oblıs aymaqtarğa (şetten kelgen qandastardıñ şoğırlı qonıstanğan oblıs nemese audandarğa) deyin keñeytu turalı wsınıstar da bar.

“The Qazaq Times”