جوبانىڭ قورتىندى وتىرىسى. فوتو: "ادىرنا"

الماتى قالاسى قوعامدىق دامۋ باسقارماسىنىڭ تىكەلەي قولداۋىنداعى قانداستار ماسەلەسىننە باعىتتالعان «وتان – وتتان دا ىستىق» اتتى جوبا ءوز مارەسىنە جەتتى. جوبا قورتىندىسى بۇىگن، 5 جەلتوقسان كۇنى الماتى قالاسىنداعى «جاستار ورتالىعىندا» «ءار قازاق مەنىڭ جالعىزىم» تاقىرىبىمەن وتكىزىلدى. قورتىندى جينالىسقا شەتەلدەردەن كەلگەن ونداعان جاس قاتىسىپ، جوبا تۋرالى جانە جالپى قانداستار ماسەلەسىنە قاتىستى پىكىرلەرىن ءبولىستى.

«ادىرنا» ۇلتتىق-ەتنوگرافيالىق بىرلەستىگى جاعىنان قولعا الىنعان جوبا قاتارىنان ەكى جىل تابىستى جۇرگىزىلگەنى بەلگىلى. جوبانى الماتى قالاسى اكىمدىگى قوعامدىق دامۋ باسقارماسى تىكەلەي قولداعاندىقتان، الماتى قالاسى بويىنشا قانداستاردىڭ قۇجاتتىق جانە قۇقىقتىق ماسەلەلەرىندەگى كوپتەگەن جۇمىستاردى اتقارعان بولاتىن.

جوبا جەتەكشىسى قورتىندىسىن جاسادى. فوتو: ادىرنا

قورتىندى وتىرىستا اتالعان جوبانىڭ جەتەكشىسى قۇرمەتوللا مۇحاممەدحانۇلى جىل بويى قانداستار ماسەلەسى بويىنشا ناقتى جۇمىستارمەن اينالىسقان جوبانى ءتىپتى دە تولىقتىرا تۇسۋگە بولاتىنىن ايتا كەلىپ، ءوزىنىڭ بىرقاتار ناقتى ۇسىنىستارىن دا ورتاعا سالدى. ايتالىق، جوبانى قۇقىقتىق ساۋاتتىلىق تاقىرىبىنداعى كەزدەسۋلەردەن مازمۇنى كەڭىرەك مادەني شارالارعا قاراي كەڭەيتۋ; وقىتۋ كۋرستارىنىڭ مەرزىمىن ۇزارتۋ; تابىستى جوبانى  الداعى جىلداردا دا ءتىپتى دە جۇيەلى جالعاستىرۋ قاتارلى ۇسىنىستارىن ايتتى.

جيىن سوڭىندا «وتان – وتتان دا ىستىق» جوباسىنا قولداۋ كورسەتكەن ۇيىمدار مەن جەكەلەرگە العىس حاتتار مەن ماراپاتتار تابىستالدى.

ايتا كەتۋ كەرەك، تاۋەلسىز كوزقاراس وكىلدەرى جاعىنان اتالعان جوبانىڭ تابىستى تاجريبەسىن ەسكەرە وتىرىپ، جوبانى الماتى قالاسىنان تىس، وبلىس ايماقتارعا (شەتتەن كەلگەن قانداستاردىڭ شوعىرلى قونىستانعان وبلىس نەمەسە اۋداندارعا) دەيىن كەڭەيتۋ تۋرالى ۇسىنىستار دا بار.

“The Qazaq Times”