Sadıqbek Adambek, satirik, jazuşı.
  • Bizdiñ wrpaq ädebietke dürligip kelip, dürligip ketkendey körinedi. Al qazirgi jastar mülde basqaşa. Elikteuşiligi basım. Onda da, Abay aytqanday, orıs ädebietinen, mädenietinen üyreneyik demeydi, orıs ädebietiniñ sırtqı formasına ğana elikteydi. Ärbir şığarmaşılıqta işki mazmwn, wlttıq minez bolatının eskermeydi. Al wlttıq minezi joq öleñ –öleñ emes qoy. Ol bügin tuadı, erteñ öledi. Wzak jasamaydı. Sondıqtan, ädebietke kelgen adam, ärbir şığarmaşılıq iesi aldımen öz wltınıñ ökili boluı kerek. Aldımen wlttıq tärbiesi men namısın körsete bilui kerek. Sonda ğana wlttıñ öleñi tuadı. Qazirgi bizdiñ qaqsap jürgenimiz osı!

Eñ qauiptisi, bügingi qazaq ğasırlar boyı qalıptasıp kelgen salt-sanasın, batırlığı men erligin joğaltayın dep otır. Iä baspasöz ben ädebiette aytılmasa, iä üyde, iä mektepte aytılmasa, wltımızdıñ tamaşa bolmıs-bitimimen keyingi wrpaq qalay tanıs bolsın? Qalay jalğassın bwl dästür... Kädimgi qol bwlğap qoştasıp ketip bara jatqan qız siyaqtı... İlgeride, ötken ğasırdın 60-şı jıldarında, Jazuşılar odağında sözden-söz şığıp, Ğabeñ: «Eger qazaq osı küyinde 40 jıl ömir sürse, tilin, dilin saqtap qalsa, ölmeydi», – degen edi. Ökinişke qaray, sol 40 jıl işinde halqımız şalajansar küyge wşıradı...

Satirik, jazuşı Sadıqbek Adambektiñ BAQ-qa bergen swhbatınan.

“The Qazaq Times”