Zeynetaqı reformasına qarsı ereuil. Foto: ERA

Franciya prezidenti Emmanuel' Makron wsınğan zeynetaqı reformasına qarsı soñğı on jılda orın almağan jalpıwlttıq iri ereuil bastaldı. Bwl turalı Reuters agenttigi habarladı.

Mwğalimder, qoğamdıq kölik jürgizuşileri, policeyler, sot qızmetkerleri, medicina qızmetkerleri, aviadispetçerler jäne basqa da köptegen mamandıq ökilderi jappay ereuilge şıqqan. Saldarınan köptegen mektepterde oqu toqtatılıp, kölik qatınası bwzıldı. Key aymaqtardağı auruhanalarda tek kezekşi medbikeler ğana qızmet körsetip jatır.

Ereui birneşe künge sozıluı mümkin. Narazı halıq el prezidenti resmi mälimdeme jasap, reformanı özgertpeyinşe, ereuildi toqtatpaymız degen talap qoydı. Halıq arasında jürgizilgen saualnama nätijesinde respondentterdiñ 70%-ı prezident şeşimin qwptamaydı.

Franciya prezidenti Emmanuel' Makron zeynetaqı mäselesi saylauğa deyin şeşiledi degen. Foto: VVS

Negizinen Franciyada ondağan zeynetaqı bağdarlamaları bar. Bwl bağdarlamalar memleketke orasan şığın äkeletinin aytqan Makron, birıñğay zeynetaqı reformasın wsınıp otır. Prezidenttiñ josparı boyınşa är jwmıs istegen künge arnayı ball jüyesi engiziledi jäne zeynetaqınıñ mölşeri jinaqtalğan wpaylar negizinde esepteledi.

Soñğı on jılda Franciyadağı zeynet jası 60-tan 62-ge deyin östi. Degenmen, bwl damığan elder arasındağı eñ tömen körsetkişterdiñ biri sanaladı. Wlıbritaniyada zeynet jası – 66 jıl.

Wsınılıp otırğan makro-reforma zeynetaqı jasın odan äri arttıruı mümkin. Tolıq zeynetaqı alu üşin francuzdarğa 64 jasqa deyin jwmıs isteuge tura keledi.

1995 jılı Franciyada orın alğan eñ ri ereuil de zeynetaqı reformasına qarsı ötken bolatın. Ereuil saldarınan eldegi transport jüyesinde üş aptalıq kollaps orın alğan.

"The Qazaq Times"