Franciyada jıl sayın wyımdastırılatın «Muzıkalıq festival'» soñı jergilikti twrğındar men policiyanıñ qaqtığısına wlastı.

Biliktiñ bwyrığına säykes koronavirustıñ taraluına baylanıstı 10-nan astam adamnıñ bir orınğa jinaluına tıyım salınğan. Bwl talap ükimet qarjılandırğan birqatar koncertterge qoldanılğan joq. Bwl festival'de körermender maska tağıp, şoudı qaşıqtıqta tamaşalauı kerek bolatın. Biraq koncertke jinalğandar Parijde karantin talaptarın öreskel bwzğan. Sol sebepti policiya körermenderge eskertu jasağan. Jiınnıñ soñı iri qaqtığıspen ayaqtaldı.

17 mausımnan bastap Franciya biligi köşede maskaların tağu rejimin alıp tastadı. Bwl talap tek üyirmeler men adamdar köp jinalatın orındar üşin saqtaldı. 20 mausımnan kommendanttıq sağat bastaldı.

Düysenbide Franciya prezidenti Emmanuel' Makron şou, koncertterdi ötkizuge 9 şildeden bastap rwqsat beru turalı şeşim şığarğan.

Soñğı mälimetterge säykes, Franciyada epidemiya bastalğalı 5,7 millionnan astam keys tirkelip, 110 mıñnan astam adam qaytıs bolğan. Soñğı aptada 1,2 mıñ adam auruhanağa jatqızıldı. Bwl – mamırdıñ ortasındağı derekten birneşe ese az.

Densaulıq saqtau organdarınıñ mälimetteri boyınşa 32 millionnan astam halıq osı uaqıtqa deyin vakcinanıñ birinşi dozasın qabıldağan. 15 mausımda Franciyada 12 jastan ülken jasöspirimderge vakcinaciya bastaldı.

"The Qazaq Times"