Franciyanıñ birneşe qalasında bilik wsınğan zañ jobasına qarsı miting ötti. Parijdegi şeru soñı policeylermen qaqtığısqa wlastı. Jwrttıñ narazılığın tuğızğan mäsele – biliktiñ policiya qwziretin keñeytip, jurnalister qwqığın şekteui. 

Eldiñ işki ister ministrliginiñ narazılıq akciyalarına 26 mıñnan asa adamnıñ qatısqanın mälimdedi. Al wyımdastıruşılar ereuilge 133 mıñ adamnıñ şıqqanın habarladı. Tärtipsizdikter kezinde 150-ge juıq adam qamauğa alınğan.

Narazılar zañnıñ 24-babına qarsı şeruge şıqqan. Bwl bap qızmettik mindetin atqarıp jatqan policiya qızmetkerlerin suretke tüsiruge tıyım saladı. Bwl zañdı qazir Franciya parlamentiniñ tömengi palatası – Wlttıq assambleya maqwldap, Senatqa jiberilgen.

24-bap ayasında qızmettik mindetin atqarıp otırğan policeylerdiñ suretin jeke basına qol swğu maqsatında jariyalau ne taratu bir jılğa deyin bas bostandığınan ayırıluğa jäne 45 mıñ evro (53 mıñ dollar) ayıppwlğa äkelui mümkin.

30 qaraşada Franciyanıñ 70 qalasında «Jahandıq qauipsizdik turalı» zañ jobasına qarsı narazılıq akciyaları ötti, onıñ erejeleri policiya men jandarmeriya qızmetkerleriniñ foto jäne video tüsirilimderin jürgizuge tıyım saladı. Bwqaralıq şerulerdiñ wyımdastıruşıları qatarında jurnalister käsipodaqtarı, «adam qwqıqtarın qorğau ligası» jäne basqa da qoğamdıq birlestikter bar.

"The Qazaq Times"