Köpbalalı äyelder astana äkimdiginiñ ökilderimen kezdesuinde. Foto: informburo.kz

Elordada 2020 jılı köpbalalı otbasılarğa beriletin jaña memlekettik järdemaqığa qwjat qabıldau bastaldı.

Jaña memlekettik järdemaqı 2020 jıldıñ 1 qañtarınan tölenedi. Eñbek jäne halıqtı äleumettik qorğau ministrliginiñ mälimdeuinşe, «jaña järdemaqınıñ  bastı erekşeligi – otbası tabısına qaramay köpbalalı (tört baladan bastap) otbasılarğa jappay tölenetin boladı».

«Memlekettik järdemaqı tört nemese odan da köp kämeletke tolmağan, nemese kündizgi bölimde oqitın 23 jasqa deyingi balaları bar barlıq köpbalalı otbasığa tabısına qaramastan tölenedi», – delingen äkimdik habarlamasında.

  • 4 balası bar otbasılarğa –  42 496 teñge;
  • 5 balağa – 53 127 teñge;
  • 6 balağa – 63 757 teñge;
  • 7 jäne odan da köp balalarğa 74 388 teñge.

Qwjattardı astanalıq HQKO bölimderinde, «Janwya» otbasın qoldau ortalığında jäne qalanıñ basqa da punkterinde tapsıruğa boladı.

Qwjat qabıldau jeltoqsan boyı jürgizilip, 2020 jıldıñ qañtarında qayta jalğasadı.

Memlekettik järdemaqığa iligu üşin otbasınıñ barlıq müşesi birge twruı tiis jäne bir mekenjayda tirkelui kerek. Olay bolmağan jağdayda, otbasılardıñ jaña järdemaqını alu qwqığı şekteledi. Sondıqtan köpbalalı otbasılar halıqqa qızmet körsetu ortalığına kelip, balaların da bir mekenjayğa tirkep, sol jerde jaña järdemaqığa ötiniş bergeni jön.

Biliktiñ bwl qadamı qoğamda ärtürli pikir qayşılığın tuğızdı. Qoğam belsendileri köpbalalı otbasınıñ tabısına qaramastan beriletin memlekettik järdemaqını «AÄK-ti ığıstıru ädisi äri byudjet ünemdeudiñ jolı» dep bağalaydı. Atalğan mäselege qatıstı täuelsiz sarapşılar  «jaña memlekettik järdemaqı ülgisi» biliktiñ 21 mıñ teñgeni qwraytın qazirgi AÄK-niñ şığının qısqartu üşin oylap tapqan «tetigi» ekenin aytadı. Är balağa 21 mıñ teñge alıp otırğan otbasılarğa qosımşa tabısına qaramay beriletin atalmış järdemaqı jalpı tabıs esebine engizilip, tiisinşe toqsandıq tabıs monitoringinde şekti körsetkişten arttıru üşin «äzirlengen ädis» deydi keybir belsendiler. Osı arqılı jan basına şaqqanda tabısı 21 mıñnan asqanda AÄK tölemi toqtatılatının aytadı.

"The Qazaq Times"