Foto: http://akimat-sarkan.gov.kz

QR Parlament Mäjilisinde «Ataulı äleumettik kömek salasındağı memlekettik sayasattı iske asırudıñ tiimdiligi» taqırıbında ükimet sağatı ötti.

Eñbek jäne halıqtı äleumettik qorğau ministri Birjan Nwrımbetov Qazaqstannıñ äleumettik modelin qalıptastırudıñ üş kezeñin atap öti: «Bolaşaqta jergilikti atqaruşı organdardıñ «Elektrondıq äleumettik karta» jobasın iske asıruı körsetiletin qızmetterdiñ sapasın jaqsartadı, olardı proaktivti formatqa aynaldıradı, yağni qızmetter qiın ömirlik jağday anıqtalğan kezde ötiniş beruşini kütpey-aq körsetiletin boladı. Bwl jwmısta äleumettik qızmetkerler mañızdı röl atqaradı. Olardıñ signalı halıqtıñ osal toptarına jergilikti jerde barlıq äleumettik qızmet türlerin körsetetin vedomstvoaralıq öñirlik toptardıñ belsendi üylestirilgen is-qimıldarınıñ negizgi belgisi boladı», – dedi.

Sonımen, AÄK wsınudıñ jaña täsilderine mınalar kiredi:

  • är toqsan sayın ataulı äleumettik kömek tağayındau;
  • AÄK tağayındaudıñ qazirgi şekti ölşemin saqtau – otbasınıñ är müşesine şaqqandağı ortaşa kiris künköris deñgeyiniñ 70% -ınan kem boluı kerek;
  • otbasınıñ barlıq müşeleri üşin AÄK mölşerin jan basına şaqqandağı kirister men kedeylik şeginiñ arasındağı ayırmaşılıq retinde anıqtau;
  • eñbekke qabiletti azamattarğa qoyılatın talaptardı küşeytu, eger olar jwmıs isteuden bas tartsa, AÄK töleu bükil otbası üşin toqtatıladı; uçaskelik komissiyalardıñ osı processtegi röliniñ artuımen otbasınıñ materialdıq jağdayına zertteu jürgizu merzimin 3 künne 7 künge deyin wlğaytu.

Kepildendirilgen äleumettik toptamanı wsınu şeñberinde 1 jastan 6 jasqa deyingi tabısı az otbasılarınıñ balaların azıq-tülik jiıntığımen jäne gigienalıq qwraldarmen, 6 jastan 18 jasqa deyingi balalardı mektepterde ıstıq tamaqpen, oqu qwraldarımen jäne mektep kiimmen qamtamasız etu wsınıladı, sonday-aq olarğa mektepke deyingi jol jüru şığındarı öteledi. Medicinalıq, onıñ işinde stomatologiyalıq kömek 18 jasqa deyingi balalarğa tegin medicinalıq kömektiñ kepildik berilgen kölemi jäne mindetti äleumettik medicinalıq saqtandıru şeñberinde körsetilmek.

"The Qazaq Times"