Gazet basşısı Nwrtöre Jüsip jeñimpazğa bas jüldeni tabıstap twr. Almatı, Oquşılar sarayı. 26.03.2017. Foto: aikyn.kz

Qazaq aqparat aydınında eseli eñbek etip kele jatqan «Ayqın» respublikalıq qoğamdıq-sayasi gazeti 13 jıldığın atap ötude. Osı merekeli datağa oray Almatıdağı Oquşılar sarayında basılımnıñ jüldesi üşin şahmattan turnir ötti.  Oğan jurnalister men bolgerler qatıstı.

Jarısta Almatı ğana emes, özge de oblıstardan qalam wstağan tilşi qauım baq sınadı. «Aikyn media open» atalğan oy men oyın bäsekesinde otızdan astam sayısker öner körsetti. «Bwl jay oyın emes, oyın arqılı oydı qozğau, qalam wstap, söz qauzap otırğan azamattardıñ oyın wştau» dedi «Ayqın» gazetiniñ direktor - bas redaktorı Nwrtöre Jüsip. Sonday-aq, ol qatısuşılar men qonaqtarğa alğısın bildirdi.

«Aikyn media open» şahmat turniri. Almatı, Oquşılar sarayı. 26.03.2017. Foto: aikyn.kz

Şveycar jüyesi boyınşa ötken oyında bas jüldeni «Wyğır avazi» respublikalıq qoğamdıq-sayasi gazetiniñ qızmetkeri Arslan Alauhanov alıp, oğan «Air Astana» kompaniyasınıñ Tegeranğa bizness-klasqa eki bilet tabıstaldı.

Ekinşi orın bloger, şahmattan İ – rarzryad iegeri Quanış Süleymenge bwyırdı. Ol «Kerneu Limited» atınan planşet aldı. Üşinşi orın iegeri üşeu bolğanımen, koefficient boyınşa Qwmar Baqdäulet barlığınan basım tüsip, planşetke qol jetkizdi. Al, jurnalister Ashat Baypeysov pen Nwrbek Tüsiphan qola jüldegerler retinde bağalı sıylqtarmen marapattaldı. Sonımen birge, tartıstı oyınğa Täjibay Janaev, Ağıbay Mwqataywlı sekildi ardagerler de atsalıstı.

“The Qazaq Times”