«ايقىننىڭ» باس جۇلدەسىن ارسلان الاۋحانوۆ جەڭىپ الدى

قازاق اقپارات ايدىنىندا ەسەلى ەڭبەك ەتىپ كەلە جاتقان «ايقىن» رەسپۋبليكالىق قوعامدىق-ساياسي گازەتى 13 جىلدىعىن اتاپ وتۋدە. وسى مەرەكەلى داتاعا وراي الماتىداعى وقۋشىلار سارايىندا باسىلىمنىڭ جۇلدەسى ءۇشىن شاحماتتان تۋرنير ءوتتى.  وعان جۋرناليستەر مەن بولگەرلەر قاتىستى.

جارىستا الماتى عانا ەمەس، وزگە دە وبلىستاردان قالام ۇستاعان ءتىلشى قاۋىم باق سىنادى. «Aikyn media open» اتالعان وي مەن ويىن باسەكەسىندە وتىزدان استام سايىسكەر ونەر كورسەتتى. «بۇل جاي ويىن ەمەس، ويىن ارقىلى ويدى قوزعاۋ، قالام ۇستاپ، ءسوز قاۋزاپ وتىرعان ازاماتتاردىڭ ويىن ۇشتاۋ» دەدى «ايقىن» گازەتىنىڭ ديرەكتور - باس رەداكتورى نۇرتورە ءجۇسىپ. سونداي-اق، ول قاتىسۋشىلار مەن قوناقتارعا العىسىن ءبىلدىردى.

«Aikyn media open» شاحمات ءتۋرنيرى. الماتى، وقۋشىلار سارايى. 26.03.2017. فوتو: aikyn.kz

شۆەيتسار جۇيەسى بويىنشا وتكەن ويىندا باس جۇلدەنى «ۇيعىر اۆازي» رەسپۋبليكالىق قوعامدىق-ساياسي گازەتىنىڭ قىزمەتكەرى ارسلان الاۋحانوۆ الىپ، وعان «Air Astana» كومپانياسىنىڭ تەگەرانعا بيزنەسس-كلاسقا ەكى بيلەت تابىستالدى.

ەكىنشى ورىن بلوگەر، شاحماتتان ءى – رارزرياد يەگەرى قۋانىش سۇلەيمەنگە بۇيىردى. ول «كەرنەۋ Limited» اتىنان پلانشەت الدى. ءۇشىنشى ورىن يەگەرى ۇشەۋ بولعانىمەن، كوەففيتسيەنت بويىنشا قۇمار باقداۋلەت بارلىعىنان باسىم ءتۇسىپ، پلانشەتكە قول جەتكىزدى. ال، جۋرناليستەر اسحات بايپەيسوۆ پەن نۇربەك ءتۇسىپحان قولا جۇلدەگەرلەر رەتىندە باعالى سىيلقتارمەن ماراپاتتالدى. سونىمەن بىرگە، تارتىستى ويىنعا ءتاجىباي جاناەۆ، اعىباي مۇقاتايۇلى سەكىلدى ارداگەرلەر دە اتسالىستى.

“The Qazaq Times”