Qazaqstan Ükimetiniñ ğimaratı. Foto: Inbusiness.kz

Toqaev Qazaqstan Ükimetiniñ qwramın birdi-ekili tağayındau arqılı «jañarttı».

Aqorda jarlığına säykes ministrler kabinetiniñ tügel derligi öz ornında qaldı. Äsilinde, zañ boyınşa, mäjilis saylauınan keyin ükimet taratılıp, qayta qwrıluı tiis. Ötken aptada Toqaev eks-prezident Nazarbaevtıñ wsınısın qoldap, prem'er-ministr lauazımına Asqar Mamindi qaldıru oñ şeşim ekenin aytıp, mäjilisti dauıs beruge şaqırğan. Osılayşa, Mamin bwrınğı qızmetin qayta jalğastıruğa mümkindik aldı.

Sonımen qosa, «Qazaqstan Respublikası Ükimetiniñ qwramı turalı» 2021 jılğı 18 qañtardağı №494 jarlıq boyınşa, Maminniñ birinşi orınbasarı Älihan Smayılov jäne vice-prem'erler Roman Sklyar men Eralı Toğjanov, ükimet basşısınıñ keñsesin jetekşiliginde Ğalımjan Qoyşıbaev ta bwrınğışa ornında qaldı.

Mwhtar Tileuberdi bwdan bılay sırtqı ister ministri lauazımımen qosa vice-prem'er qızmetin atqaradı.

Birjan Nwrımbetovtiñ ornına Serik Şapkenov eñbek jäne halıqtı äleumettik qorğau ministri bolıp tağayındalsa, al osığan deyingi wlttıq ekonomika ministri Ruslan Dälenovti Äset Erğaliev almastırdı.

Ükimet qwramı:

  • Älihan Smayılov – prem'erdiñ birinşi orınbasarı;
  • Roman Sklyar – prem'erdiñ orınbasarı;
  • Eralı Toğjanov – prem'erdiñ orınbasarı;
  • Mwhtar Tileuberdi – prem'erdiñ orınbasarı – sırtqı ister ministri;
  • Ğalımjan Qoyşıbaev – prem'er keñsesiniñ basşısı;
  • Aida Balaeva – aqparat jäne qoğamdıq damu ministri;
  • Erwlan Jamaubaev – qarjı ministri;
  • Äset Erğaliev – wlttıq ekonomika ministri;
  • Nwrlan Ermekbaev – qorğanıs ministri;
  • Erlan Twrğımbaev – işki ister ministri;
  • Mağzwm Mırzağaliev – ekologiya, geologiya jäne tabiği resurstar ministri;
  • Serik Şapkenov – eñbek jäne halıqtı äleumettik qorğau ministri;
  • Saparhan Omarov – auıl şaruaşılığı ministri;
  • Marat Beketaev – ädilet ministri;
  • Ashat Aymağambetov – bilim jäne ğılım ministri;
  • Aleksey Coy – densaulıq saqtau ministri;
  • Beybit Atamqwlov – industriya jäne infraqwrılımdıq damu ministri;
  • Aqtotı Rayımqwlova – mädeniet jäne sport ministri;
  • Baqıt Swltanov – sauda jäne integraciya ministri;
  • YUriy Il'in – tötenşe jağdaylar ministri;
  • Bağdat Musin – cifrlıq damu, innovaciyalar jäne aeroğarış önerkäsibi ministri;
  • Nwrlan Noğaev – energetika ministri.

Täuelsiz sarapşılar men belsendiler Mamin basqaratın ükimet pandemiyanı eñseruge arnalğan birneşe ayı, köktemgi karantin mümkindigi bola twra dertke dayındığı jetispey, «mausım-şilde qırğınına» jol berip alğan dep sınaydı. Jazdıgüni örşigen indet eldegi köptegen salalardağı «bılıqtıñ betin aşqanı» turalı narazılıq köñil-küy arttı.

Künköris tabısınınan ayırılğan mıñdağan qazaqstandıq jwmıssızdıqqa tap boldı. Byurokratiya men sandıq jüyeniñ naşarlığınan memlekettik järdemaqınıñ berilui ülken dauğa aynaldı. Bilim beru jäne medicina salaları bwrın-soñdı kezikpegen qiın jağdayğa wşıradı. «Mausım-şilde qırğınında» aqparat qwraldarı men äleumettik jeli betteri nekrolog alañğa aynalğanı eldiñ esinde. Şilde ayında Toqaev Ükimetke jağdaydı dereu retteu jöninde tapsırma berip, otstavka jaylı eskertip, sınğa alğan. Qazaqstanda inflyaciya, kedeyşilik, jwmıssızdıq, josparlı emdelu t.b. mäseleler teris bağıtta kürdelene tüsti.

“The Qazaq Times”