مارات ءتاجين جاڭا قىزمەتكە تاعايىندالدى

مارات ءتاجين قازاقستاننىڭ چەحياداعى ەلشىسى بولىپ تاعايىندالدى.

اقوردا حابارلاماسىندا «مەملەكەت باسشىسىنىڭ جارلىعىمەن مارات مۇحانبەتقازىۇلى ءتاجين قازاقستان رەسپۋبليكاسىنىڭ چەح رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى»، – دەلىنگەن.

ءتاجين بيىل 24 ناۋرىز بەن 18 قىركۇيەك ارالىعىندا مەملەكەتتىك حاتشى قىزمەتىن اتقارعان ەدى.

مارات ءتاجين 1960 جىلى 8 ساۋىردە اقتوبە قالاسىندا دۇنيەگە كەلگەن.  1981 جىلى الماتىداعى حالىق شارۋاشىلىق ينستيتۋتىندا «ەكونوميست» ماماندىعى بويىنشا ءبىلىم العان يدەولوگ-شەنەۋنىك بۇگىنگى تاڭدا الەۋمەتتانۋ عىلىمدارىنىڭ دوكتورى، پروفەسسور. ول ۇلىبريتانياداعى لوندون ۋنيۆەرسيتەتىندە تاجىريبە العان. 1994-1995 جىلدارى قر پرەزيدەنتىنىڭ مەملەكەتتىك كەڭەسشىسى بولعان.1999-2001 جىلدارى پرەزيدەنتتىڭ ۇلتتىق قاۋىپسىزدىك ماسەلەلەرى جونىندەگى كومەكشىسى – قر قاۋىپسىزدىك كەڭەسىنىڭ حاتشىسى بولعان. 2001 جىلى ۇلتتىق قاۋىپسىزدىك كوميتەتىن باسقاردى. مارات ءتاجين وسىعان دەيىن دە پرەزيدەنت اكىمشىلىگىنىڭ ءبىرىنشى ورىنباسارى قىزمەتىن 2002 جىلدىڭ تامىز ايىنان 2006 جىلدىڭ ءساۋىر ايىنا دەيىن اتقارعان. سىرتقى ىستەر ءمينيسترى (2007-2009) جانە قازاقستاننىڭ رەسەيدەگى ەلشىسى (2014-2017) بولعان. ول قازاقستاننىڭ يدەولوگيالىق ساياساتىندا باستى ءرول اتقارعان تۇلعالاردىڭ ءبىرى. سونداي-اق «رۋحاني جاڭعىرۋ» باعدارلاماسىن ازىرلەۋ جانە ىسكە اسىرۋ جوباسىنا قاتىسقان.

"The Qazaq Times"