Qasım-Jomart Toqaev pen Sooronbay Jeenbekov. Foto: Aqorda

Qaraşanıñ 27-si el prezidenti Qasım-Jomart Toqaev Qırğızstanğa jwmıs saparımen barmaq.

Aqorda baspasöz hatşısı Berik Uälidiñ habarlauınşa, bürsigüni memleket basşısı Qırğız eliniñ prezidenti Sooronbay Jeenbekovtiñ şaqıruımen Qırğıztanğa attanadı.

Kelissözder barısında eki el basşıları Qazaqstan men Qırğızstan arasındağı strategiyalıq seriktestiktiñ qazirgi ahualı men perspektivaların talqılaydı jäne kezdesu qorıtındısı boyınşa birqatar ekijaqtı qwjattarğa qol qoyadı dep josparlanğan.

Sonday-aq 28 qaraşada Toqaev Bişkek qalasında ötetin Wjımdıq qauipsizdik şart wyımı (WQŞW) Qauipsizdik keñesiniñ sessiyasına qatısadı. İs-şaralardıñ kün tärtibinde Wyım jwmısı ayasındağı özara is-qimıldarğa qatıstı köptegen mäseleler qarastırılıp, WQŞW-nıñ biıl atqarğan jwmıstarı boyınşa basım bağıttardıñ jüzege asırıluı qorıtındılanadı dep josparlanğan.

"The Qazaq Times"