قاسىم-جومارت توقاەۆ پەن سوورونباي جەەنبەكوۆ. فوتو: اقوردا

قاراشانىڭ 27-ءسى ەل پرەزيدەنتى قاسىم-جومارت توقاەۆ قىرعىزستانعا جۇمىس ساپارىمەن بارماق.

اقوردا ءباسپاسوز حاتشىسى بەرىك ءۋاليدىڭ حابارلاۋىنشا، بۇرسىگۇنى مەملەكەت باسشىسى قىرعىز ەلىنىڭ پرەزيدەنتى سوورونباي جەەنبەكوۆتىڭ شاقىرۋىمەن قىرعىزتانعا اتتانادى.

كەلىسسوزدەر بارىسىندا ەكى ەل باسشىلارى قازاقستان مەن قىرعىزستان اراسىنداعى ستراتەگيالىق سەرىكتەستىكتىڭ قازىرگى احۋالى مەن پەرسپەكتيۆالارىن تالقىلايدى جانە كەزدەسۋ قورىتىندىسى بويىنشا بىرقاتار ەكىجاقتى قۇجاتتارعا قول قويادى دەپ جوسپارلانعان.

سونداي-اق 28 قاراشادا توقاەۆ بىشكەك قالاسىندا وتەتىن ۇجىمدىق قاۋىپسىزدىك شارت ۇيىمى (ۇقشۇ) قاۋىپسىزدىك كەڭەسىنىڭ سەسسياسىنا قاتىسادى. ءىس-شارالاردىڭ كۇن تارتىبىندە ۇيىم جۇمىسى اياسىنداعى ءوزارا ءىس-قيمىلدارعا قاتىستى كوپتەگەن ماسەلەلەر قاراستىرىلىپ، ۇقشۇ-نىڭ بيىل اتقارعان جۇمىستارى بويىنشا باسىم باعىتتاردىڭ جۇزەگە اسىرىلۋى قورىتىندىلانادى دەپ جوسپارلانعان.

"The Qazaq Times"