İİM Erlan Twrğımbaev. Foto: İİM

İşki ister ministri Erlan Twrğımbaev aumaqtıq policiya departamentteri basşılarımen kämeletke tolmağandardıñ qauipsizdigi mäselesine qatıstı keñes ötkizdi.

İİM-niñ baspasöz qızmetiniñ habarlauınşa, Aqmola, Aqtöbe, Almatı, Atırau jäne Jambıl oblıstarınıñ policiya departamenti basşıları sınğa wşıradı. Keñes qorıtındısında birqatar basşı qatañ tärtiptik jazağa tartıldı.

Atap aytqanda, Jambıl oblıstıq policiya departamentiniñ bastığı Arman Orazalievke qızmetke say emestigi eskertildi. Aqtöbe oblıstıq policiya departamentiniñ bastığı Atığay Arıstanovqa qatañ sögis jariyalandı. Almatı oblıstıq policiya departamentiniñ bastığı Mwrat Wrımhanovqa bwğan deyin de qatañ sögis jariyalanğan edi.

Taraz qalalıq policiya basqarmasınıñ bastığı Ardaq Madimarov qızmetinen bosatıldı. Bwğan qosa, Taraz qalalıq policiya basqarması qızmetteriniñ basşıları jazalanıp, mektep inspektorı işki ister organdarınan quıldı.

Barlıq öñirlik basşılarğa jergilikti atqaruşı organdarmen birlesip, qordalanğan problemalı mäselelerdi tıñğılıqtı saralap, şeşu tapsırıldı.

Olardıñ qatarında uçaskelik policiya men mektep inspektorlarınıñ jwmısın wyımdastırudı özgertu, olardıñ bilim beru wyımdarımen jäne äkimdikpen özara is-äreketi, küzet wyımdarın mektepter men balabaqşalardağı qauipsizdikti qamtamasız etuge jwmıldıru mäseleleri bar.

«Aumaqtıq departamentterdiñ basşılarınıñ nazarın policiyanı bağalaudıñ negizgi indikatorlarınıñ biri kämeletke tolmağandardıñ qılmıstıq ozbırlıqtan qorğalu deñgeyi ekendigine audartamın. Däl osını adamdar bizden kütip otır. Biz olardıñ qauipsizdigin qamtamasız etuge mindettimiz», – dedi Twrğımbaev.

Bwğan deyin bwrın zorlıq ayıbımen isti bolğan er adam Tarazdağı №6 mekteptiñ äjethanasında 7-sınıp oquşısın zorladı degen aqparat jelide jeldey esip, qoğamnıñ qızu talqısına tüsken bolatın. Eldi tiksintip, ata-analar qauımın uayımğa salğan jağawstarlıq jağdaydan soñ Jambıl oblıstıq bilim basqarmasınıñ basşısı, mektep direktorı, mektep inspektorı jäne birneşe mwğalim men bilim oşağınıñ qızmetkeri jwmıstan şığarıldı. Jappay otstavkanıñ izin ala el prezidenti Toqaevtıñ bwyrığımen Taraz qalasınıñ äkimi Qayrat Dosaevtı ornınan bosatıldı.

"The Qazaq Times"