Körneki suret. Foto: aşıq derekköz

Wrlıq tübi qorlıqqa jekizetin kün tumaq. Wrlıq jasau bwdan bılay  auır qılmıstar sanatına köşedi.

Parlament mäjilisiniñ plenarlıq otırısında  «Qazaqstan Resupblikasınıñ keybir zañnamalıq aktilerine qılmıstıq jäne qılmıstıq-procestik zañnamanı jetildiru mäseleleri boyınşa özgerister men tolıqtırular engizu turalı» zañ jobası talqılandı. Tüzetuler turalı birinşi oqılımda bayandama jasağan Qazaqstannıñ bas prokurorınıñ orınbasarı Marat Ahmetjanov birqatar ötkir mäselelerge qatıstı qatañ jazalau wsınımdarın mälimdedi. General-mayor Ahmetjanov:

– Bwl tüzetulerdiñ bir böligi menşikke qarsı qılmıstarğa qatıstı. Aldımen, wrlıq, tonau jäne qaraqşılıq maqsatında üy-jayğa, qoymağa, kölik qwralına zañsız bwzıp kirumen jasalğan qılmıstar üşin jauaptılıq küşeymek. Wrlıqqa qatıstı äreketter auır qılmıstar sanatına köşedi. Demek, tatulasu bolmaydı. Tipti, zalal ornın toltırsa da, keşirim berse de qılmıstılıq jauaptılıqtan bosatılmaydı, – dedi.

Sonımen birge qasaqana kisi öltirgenderge, pedofilderge, ekstremisterge, esirtki satuşılarğa, brakon'erlerge, januar düniesine qol swqqandar men wyımdasqan qılmısqqa barğan adamdarğa jaza auırlaytın boladı.

Taldau procesindegi zañ jobasında wrlıq üşin 5 jıldan 12 jılğa deyin jaza közdelude. Ahmetjanov tanıstırğan vedomstvo dayındağan zañ jobası mäjilis deputattarınıñ qoldauın taptı.

"The Qazaq Times"