ۇرلىق ءتۇبى قورلىق: ەندى ۇرلىق جاساعاندار 12 جىلعا دەيىن سوتتالۋى مۇمكىن

ۇرلىق ءتۇبى قورلىققا جەكىزەتىن كۇن تۋماق. ۇرلىق جاساۋ بۇدان بىلاي  اۋىر قىلمىستار ساناتىنا كوشەدى.

پارلامەنت ءماجىلىسىنىڭ پلەنارلىق وتىرىسىندا  «قازاقستان رەسۋپبليكاسىنىڭ كەيبىر زاڭنامالىق اكتىلەرىنە قىلمىستىق جانە قىلمىستىق-پروتسەستىك زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى. تۇزەتۋلەر تۋرالى ءبىرىنشى وقىلىمدا بايانداما جاساعان قازاقستاننىڭ باس پروكۋرورىنىڭ ورىنباسارى مارات احمەتجانوۆ بىرقاتار وتكىر ماسەلەلەرگە قاتىستى قاتاڭ جازالاۋ ۇسىنىمدارىن مالىمدەدى. گەنەرال-مايور احمەتجانوۆ:

– بۇل تۇزەتۋلەردىڭ ءبىر بولىگى مەنشىككە قارسى قىلمىستارعا قاتىستى. الدىمەن، ۇرلىق، توناۋ جانە قاراقشىلىق ماقساتىندا ءۇي-جايعا، قويماعا، كولىك قۇرالىنا زاڭسىز بۇزىپ كىرۋمەن جاسالعان قىلمىستار ءۇشىن جاۋاپتىلىق كۇشەيمەك. ۇرلىققا قاتىستى ارەكەتتەر اۋىر قىلمىستار ساناتىنا كوشەدى. دەمەك، تاتۋلاسۋ بولمايدى. ءتىپتى، زالال ورنىن تولتىرسا دا، كەشىرىم بەرسە دە قىلمىستىلىق جاۋاپتىلىقتان بوساتىلمايدى، – دەدى.

سونىمەن بىرگە قاساقانا كىسى ولتىرگەندەرگە، پەدوفيلدەرگە، ەكسترەميستەرگە، ەسىرتكى ساتۋشىلارعا، براكونەرلەرگە، جانۋار دۇنيەسىنە قول سۇققاندار مەن ۇيىمداسقان قىلمىسققا بارعان ادامدارعا جازا اۋىرلايتىن بولادى.

تالداۋ پروتسەسىندەگى زاڭ جوباسىندا ۇرلىق ءۇشىن 5 جىلدان 12 جىلعا دەيىن جازا كوزدەلۋدە. احمەتجانوۆ تانىستىرعان ۆەدومستۆو دايىنداعان زاڭ جوباسى ءماجىلىس دەپۋتاتتارىنىڭ قولداۋىن تاپتى.

"The Qazaq Times"