Birneşe aydan beri äleumettik jelilerde ärtürli narazılıq tudırğan zañ jobasına baylanıstı bir top äyel bügin ministrlikter üyine barğan.
Azattıq radiosınıñ habarlauınşa, düysenbi küni tañda astanada bir top äyel «otbasındağı zorlıq-zombılıq» turalı zañdı tüsindirudi talap etip, eñbek jäne ädilet ministrlikteriniñ ğimaratınıñ aldına jinalğan. Olar şeneunikterdiñ jauabına qanağattanbağanın aytıp, Parlamentke bettegen.
Alayda analar men äyelderdiñ aldın arnayı jasaq bögep, parlamentke barar joldı japqan. Aqparat qwralınıñ deregine qarağanda, ol jaqta 50 şaqtı arnayı jasaq ökili, birneşe avtobus twrğan.
Äyelderdi oqiğa ornınan äketpek bolğan policiya äreketinen soñ tärtip saqşıları men birneşe äyel jwlqılasıp qalğan. Qalıñ jasaqtıñ arasındağı aqjağalıları äyelderdi mäseleni «Janwya» ortalığında talqılauğa köndirip bağuda. Biraq äyelder jetinşi şaqırılımdağı jaña mäjilis deputattarınıñ şığuın talap etedi.
Tüsten keyin narazılarmen söylesuge qalalıq äkimdiktiñ işki sayasat basqarmasınıñ jetekşisi Däuren Babamwratov keldi.
– Negizinen eki mäselege narazı bolıp twrsızdar ğoy. Biri twrğın üy jağdayı säykes kelmese, onda balalardı tartıp aladı-mıs degen joramal. Zañda onday talap joq. Bala belgili bir jasqa kelgen kezde jınısına qatıstı oy-pikirin aytadı-mıs degen närse de zañda qarastırılmağan. Onday närse joq, – dep edi äyelder «onday närse bar!» dep ayqaylap, şulap ketti dep habarlaydı Azattıq.
18 qañtar sağat 14:30-degi jağday boyınşa, äyelderdiñ biraz böligi tarqağan, biraz böligi deputattarmen kezdesemiz dep ministrlikter üyi mañında qalğan.
Bıltır qırküyekte mäjilis 49 baptan twratın «Otbasılıq-twrmıstıq zorlıq-zombılıqqa qarsı is-qimıl turalı» zañ jobasın birinşi oqılımda maqwldağan. 18 qañtarda ministrlikter üyine kelgen narazı äyelder zañ jobasında bwlıñğır wğımdar köp ekenin aytıp, onı maqwldağan jäne äzirlegen şeneuniktermen kezdeskisi keletinin aytqan.
Otbası qwndılıqtarına jäne işki mäselesine qauip-qater töndiretin, «şiki» twstarı köp dep jii sınalıp jürgen qwjatqa narazılar artıp keledi. Zañ jobasınıñ tolıq mätini qoljetimsiz. Bilik tarapınan jalpıhalıqtıq deñgeyde aşıq tüsindiru jwmıstarı bastala qoyğan joq.
*Aqparat tolıqtırıldı
Şerzattıñ ölimi isine qatıstı qwpiya videonı jariyalau kimge kerek boldı? – Sarapşılar media sını
24 qazan – Kitaphanaşılar merekesi qwttı bolsın!
«Uçaskeden äruaqqa kök hat»: Almatıda marqwmğa kelgen şaqırtu
Komissiya men baqılauşı esebindegi ayırmaşılıq: Almatıda referendum qalay ötip jatır?
"Ädil Qazaqstan, estitin memleket" endi advokattarğa qısım jasay bastadı ma?
«Psevdo-bayqauşı» älde käsibi baqılauşı: Referendumdı kim baqılaydı?
