Gonkongtağı bilik pen azamattar arasında jartı jıldan beri ötip jatqan narazılıqtıñ qaqtığısqa wlasuınan seskengen QR SİM 118 studentti elge alıp keldi.
Gonkongtağı jartı jılğa sozılğan narazılıqtıñ tötenşe jağdayğa wlasuınan keyin ondağı qazaqstandıq studentter elge oralıp jatır. Sırtqı ister ministrliginiñ habarlauınşa, qazir qazaqstandıq 118 student elge jetkizilgen. Tağı eluge juıq student juırda Qazaqstanğa qaytpaq.
Sırtqı ister ministrliginiñ baspasöz qızmetiniñ jetekşisi Aybek Smadiyarovtıñ aytuınşa, Gonkongtan Qazaqstanğa oralğan studentter 2020 jıldıñ qañtarına deyin oquın toqtatqan, tipti keybiri qaşıqtıqtan oqu formasına köşken. Qazaqstandıq studentterdi elge qaytaru, olardı aeroportqa jetkizu şaralarımen Qazaqstannıñ Gonkongtağı elşiligi men qazaqstandıq studentter qauımdastığı aynalısqan.
«Osığan baylanıstı QR Sırtqı ister ministrligi Gonkongte oqıp jatqan barlıq studentterge Qazaqstanğa oraludı wsınadı. Sonımen qatar, QR azamattarın qauipsizdik jağdayı twraqtanğanşa Gonkongqa asa qajeti bolmasa, barmay-aq qoyuğa şaqıradı», – dedi vedomstvonıñ resmi ökili.
Jartı jılğa tayau uaqıt jappay narazılıq şeruleri jürip jatqan Gonkong qalasında policiya büginde tört mıñğa tarta adamdı wstağan. Miting kezinde bir jarım mıñ adam jaraqat alıp, 400-den astam policiya qızmetkeri zardap şekken. Şeruşiler Beyjiñniñ Gonkongtıñ derbes işki isine aralasuına narazı, olar bilikten naqtı qadamdar talap etip keledi. Soñğı kezderi qarsılıq akciyaları qaqtığısqa wlasıp, stihiyalı sipatqa enip keledi.
– Gonkongta boluğa mäjbür adamdardan barlıq qajetti saqtıq şaraların qabıldauların swraymız. Aqparattı BAQ-ta jäne Gonkongtağı Qazaqstannıñ bas konsuldığınıñ resmi saytınan köruge boladı. Azamattarımızdıñ qauipsizdigin qamtamasız etu jäne elge uaqıtılı oraluı maqsatında Air Astana kompaniyasımen erte satıp alınğan biletterge wşu künin ayıppwl men bağa ayırmasın tölemey-aq özgertu mümkindigi turalı kelisimge qol jetkizildi. Öytkeni, studentterdiñ köbi jeltoqsannıñ soñına, demalıs bastalar uaqıtqa bilet alıp qoyğan. Qazaqstannıñ bas konsuldığı Gonkongtağı qazaqstandıq studentter qauımdastığımen birlesip studentterdi äuejayğa deyin jinau jäne tasımaldaudı wyımdastırdı, – dep habarladı resmi ökil.
Däl osı sebeppen ötken apta Bişkek 42 qırğız studentin keri qaytarğan edi.
Gonkongtağı Qıtay universitetiniñ aldında narazılar "Demokratiya üşin" kirpişten qabırğa twrğızıp jatır. Foto: Entoni Kvan
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı