Auğanstandağı tälipter. Foto: bbc.com

Qazaqstannıñ Auğanstandağı elşiligi qızmetin äri qaray jalğastıra beredi. Bwl turalı Qazaqstan sırtqı ister ministrliginiñ mälimetine süyengen Azattıq radiosı jazdı. 

Diplomatiyalıq vedomstvonıñ resmi ökili Aybek Smadiyardıñ Azattıqqa aytuına qarağanda, Auğanstandağı jağdayğa baylanıstı elşilik qızmetkerleri azaytılğan, biraq elşi men tağı birneşe qızmetker äli jwmıs istep jatır.

"Elşilikti alıp ketuge de mümkindigimiz bar. Biraq basşılıq şeşimi boyınşa olar qalatın boldı. Jağday qattı uşıqsa, şeşim özgerui mümkin"  dedi Smadiyar.

Bwğan deyin Aqorda prezident Qasım-Jomart Toqaev, ükimet basşısı jäne WQK jetekşileri Auğanstan mäselesine qatıstı şwğıl jiınalğanın habarlağan. Otırısta Auğanstandağı jağday men oğan qatıstı şwğıl şaralar turalı talqılandı delindi. Aqorda saytında jariyalanğan habarlamağa qarağanda, Auğanıstan mäselesine qatıstı jiınğa qatısqandardıñ arasında  Qauipsizdik keñesiniñ törağası, eldiñ eks-prezidenti Nwrswltan Nazarbaev joq.

Keyingi künderi "Taliban" qozğalısı Auğanstandağı iri qalalardı basıp ala bastadı. Jalalabad, Mazari-Şarif siyaqtı iri qalaları men el astanası Kabul qalasını tälipterdiñ baqılauına ötken. El prezidenti Aşraf Ğani şetelge ketip qalğan.

The Qazaq Times