Bryussel'de Qazaqstan men Europalıq odaqtıñ Sırtqı sayasat ökilderi ekijaqtı ıntımaqtastıq mäselelerin talqıladı.

Otandıq telearnalar taratqan mälimetterge süyensek, basqosu EurActiv aqparttıq-saraptamalıq portalı keñsesinde ötken. Qazaqstan delegaciyasınıñ basşısı Vasiliy Romanenko taraptar arasındağı keñeytilgen seriktestik jäne ıntımaqtastıq kelisimşartın wyımğa müşe elderdiñ bäri bekitkenin atap ötti. Endi tek Euroodaq keñesiniñ şeşimi qaldı.

Şığıs seriktestik keñesiniñ atqaruşı direktorı Samyuel' Doveri Vesterbay: «Europalıq odaq pen Qazaqstan ıntımaqtastıqtı damıtuğa müddeli. Euroodaq ozıq tehnologiyalarğa ie bolsa, Qazaqstan Europa men Aziya üşin mañızdı narıq bolıp sanaladı. Ekijaqtı seriktestik turalı kelisimşart ıntımaqtastıqtı odan äri nığayta tüsetinine senimdimin», – dedi.

Europalıq odaq – Qazaqstannıñ eñ iri investiciyalıq seriktesiniñ biri. Qazaqstan Ortalıq Aziya elderiniñ işinde EO-men keñeytilgen seriktestik jäne ıntımaqtastıq turalı kelisimge eñ birinşi qol qoyğan bolatın. Biılğı jıldıñ soñğı 9 ayında ekijaqtı tauar aynalımı 24 milliard dollarğa juıqtağan.

"The Qazaq Times"