ەۋروپالىق كەڭەس باسشىسى دونالد تۋسك جانە قازاقستان پرەزيدەنتى قاسىم-جومارت توقاەۆ كەزدەسۋىنەن سوڭ. فوتو: https://dixinews.kz

بريۋسسەلدە قازاقستان مەن ەۋروپالىق وداقتىڭ سىرتقى ساياسات وكىلدەرى ەكىجاقتى ىنتىماقتاستىق ماسەلەلەرىن تالقىلادى.

وتاندىق تەلەارنالار تاراتقان مالىمەتتەرگە سۇيەنسەك، باسقوسۋ EurActiv اقپارتتىق-ساراپتامالىق پورتالى كەڭسەسىندە وتكەن. قازاقستان دەلەگاتسياسىنىڭ باسشىسى ۆاسيلي رومانەنكو تاراپتار اراسىنداعى كەڭەيتىلگەن سەرىكتەستىك جانە ىنتىماقتاستىق كەلىسىمشارتىن ۇيىمعا مۇشە ەلدەردىڭ ءبارى بەكىتكەنىن اتاپ ءوتتى. ەندى تەك ەۋرووداق كەڭەسىنىڭ شەشىمى قالدى.

شىعىس سەرىكتەستىك كەڭەسىنىڭ اتقارۋشى ديرەكتورى ساميۋەل دوۆەري ۆەستەرباي: «ەۋروپالىق وداق پەن قازاقستان ىنتىماقتاستىقتى دامىتۋعا مۇددەلى. ەۋرووداق وزىق تەحنولوگيالارعا يە بولسا، قازاقستان ەۋروپا مەن ازيا ءۇشىن ماڭىزدى نارىق بولىپ سانالادى. ەكىجاقتى سەرىكتەستىك تۋرالى كەلىسىمشارت ىنتىماقتاستىقتى ودان ءارى نىعايتا تۇسەتىنىنە سەنىمدىمىن»، – دەدى.

ەۋروپالىق وداق – قازاقستاننىڭ ەڭ ءىرى ينۆەستيتسيالىق سەرىكتەسىنىڭ ءبىرى. قازاقستان ورتالىق ازيا ەلدەرىنىڭ ىشىندە ەو-مەن كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمگە ەڭ ءبىرىنشى قول قويعان بولاتىن. بيىلعى جىلدىڭ سوڭعى 9 ايىندا ەكىجاقتى تاۋار اينالىمى 24 ميلليارد دوللارعا جۋىقتاعان.

"The Qazaq Times"